الماتى وبلىسىندا قار بارىسى مەن تۇركىستان سىلەۋسىنى فوتوتۇزاققا ءتۇسىپ قالدى
قونايەۆ. KAZINFORM - «كولساي كولدەرى» ۇلتتىق تابيعي پاركىندە قار بارىسى مەن تۇركىستان سىلەۋسىنى فوتوتۇزاققا ءتۇسىپ قالدى.
ەرەكشە كادرلاردى ورمان شارۋاشىلىعى جانە جانۋارلار دۇنيەسى كوميتەتى الەۋمەتتىك جەلىدە جاريالادى.
فوتوتۇزاق تۇسىرگەن بەينەجازبادان تۇنگى ۋاقىتتا پارك اۋماعىندا سەنىمدى قيمىلداپ جۇرگەن قار بارىسى بايقالدى. سونىمەن قاتار فوتوتۇزاققا تۇسكەن تۇركىستان سىلەۋسىنى ءوز جەمتىگىن بايقاعان بويدا سەكىرۋگە دايىندالىپ، ءبىراق سوڭعى ساتتە رايىنان قايتادى.
- بۇل كادرلار جىرتقىشتاردىڭ كۇندەلىكتى ءومىرىن عانا كورسەتىپ قويماي، سونىمەن بىرگە پارك اۋماعىندا ولاردىڭ مەكەندەۋىنە قولايلى جاعداي جاسالعانىن دالەلدەيدى. تابيعاتتى ساقتاپ، قار بارىسى مەن تۇركىستان سىلەۋسىنى سياقتى اسقاق جانۋارلاردى قورعاۋعا بىرگە اتسالىسايىق، - دەپ حابارلادى كوميتەتتەن.
ەسكە سالايىق، بۇعان دەيىن الماتى وبلىسىندا ساقالتاي ۆيدەوعا ءتۇسىپ قالعانىن جازعانبىز.
