15:57, 08 - شىلدە 2025 | GMT +5
الماتى وبلىسىندا قار بارىسى مەن سىلەۋسىن فوتوتۇزاققا ءتۇسىپ قالدى
قونايەۆ. KAZINFORM - فوتوتۇزاق وبەكتيۆىنە قىزىل كىتاپقا ەنگەن سيرەك كەزدەسەتىن جانۋارلار ءتۇسىپ قالدى.
«كولساي كولدەرى» مەملەكەتتىك ۇلتتىق تابيعي پاركى اۋماعىندا ارنايى ورناتىلعان فوتوتۇزاققا قار بارىسى ءتۇستى.
- قار بارىسى قازاقستان رەسپۋبليكاسىنىڭ قىزىل كىتابىنا ەنگىزىلگەن جانە جويىلىپ بارا جاتقان تۇرلەردىڭ قاتارىنا جاتادى. ونىڭ تابيعي ورتادا كەزدەسۋى ەكوجۇيەنىڭ تۇراقتىلىعىن جانە جۇرگىزىلىپ جاتقان تابيعاتتى قورعاۋ شارالارىنىڭ تيىمدىلىگىن دالەلدەيدى، - دەلىنگەن ورمان شارۋاشىلىعى جانە جانۋارلار دۇنيەسى كوميتەتى جازباسىندا.
سونداي-اق «شارىن» مەملەكەتتىك ۇلتتىق تابيعي پاركىندە ورناتىلعان فوتوتۇزاققا قىزىل كىتاپقا ەنگەن تۇركىستان سىلەۋسىنى ءىلىندى.
ەسكە سالايىق، بۇعان دەيىن ۇلتتىق پاركتەگى فوتوتۇزاقتار قالاي ورناتىلاتىنىن جازعانبىز.
