الماتى وبلىسىندا مال ۇرلىعىنا قارسى اۋقىمدى جوبا باستالدى

قونايەۆ. KAZINFORM - الماتى وبلىسىنىڭ پروكۋراتۋراسى مۇددەلى مەملەكەتتىك ورگاندارمەن بىرلەسىپ، وڭىردە مال ۇرلىعىنىڭ الدىن الۋ مەن وعان قارسى ءىس-قيمىل جاساۋ ماقساتىندا «مال ۇرلىعىن توقتاتۋ» جوباسىن باستادى.

پروكۋراتۋرانىڭ باسپا ءسوز قىزمەتىنىڭ مالىمەتىنشە، جوبانىڭ باستالۋى وڭىردە كوبەيگەن بوتەننىڭ مالىن جاسىرىن جولمەن ۇرلاۋ دەرەگىمەن كۇرەسۋ قاجەتتىلىگى، سونداي-اق، اۋىلشارۋاشىلىعى كاسىپورىندارى مەن ولارمەن بايلانىستى بيزنەستىڭ قاۋىپسىزدىگىن قامتاماسىز ەتۋگە تىكەلەي بايلانىستى ەكەنىن حابارلادى.

«جوبا مال ۇرلىعىمەن بايلانىستى زاڭسىز ارەكەتتەردىڭ جولىن كەسۋگە باعىتتالعان كوپتەگەن ءىس-شارالاردى قامتيدى. جوبانىڭ ماقساتى - مال اينالىمىن باقىلاۋ، وسى سالاداعى زاڭدىلىقتى نىعايتۋ جانە مال وسىرۋشىلەردىڭ مۇددەلەرىن قورعاۋ. پروكۋراتۋرا ازاماتتاردىڭ مۇلكىنە قارسى قىلمىستارمەن كۇرەستە بەلسەندى ءرول اتقارادى جانە مال ۇرلىعىنىڭ الدىن الۋ جانە اشۋ بويىنشا ءتيىمدى جۇمىس ىستەۋ ءۇشىن باسقا قۇقىق قورعاۋ ورگاندارىمەن ىنتىماقتاستىقتى قامتاماسىز ەتەدى»، - دەپ حابارلادى الماتى وبلىسى پروكۋراتۋراسىنىڭ باسپا ءسوز قىزمەتى.

جوبا اياسىندا مال وسىرۋشىلەر ءۇشىن وقىتۋ سەمينارلارىن وتكىزۋ جانە ولارعا ءوز مۇلكىن قورعاۋ جونىندە قاجەتتى اقپارات بەرۋ جوسپارلانعان. سونداي-اق، مال ۇرلىعى دەرەكتەرىن انىقتاۋ مەن جولىن كەسۋ، سونىمەن قاتار، كىنالى ادامداردى قۋدالاۋ بويىنشا جەدەل ءىس-شارالار ۇيىمداستىرىلاتىن بولادى.

«الماتى وبلىسىنىڭ پروكۋراتۋراسى بارلىق مۇددەلى تۇلعالاردى «مال ۇرلىعىن توقتاتۋ» جوباسىن قولداۋعا جانە وسى قىلمىستىق احۋالمەن كۇرەسكە بەلسەندى تۇردە قاتىسۋعا شاقىرادى. بۇل ماسەلەدە قوعامنىڭ بىرلىگى جوبانى تابىستى ىسكە اسىرۋدىڭ كەپىلى بولىپ تابىلادى. ءبىز بىرلەسكەن كۇش-جىگەرمەن مال شارۋاشىلىعى ءۇشىن قاۋىپسىز ورتا قۇرا الاتىنىمىزعا جانە مال ۇرلىعىمەن بايلانىستى شىعىنداردىڭ الدىن الاتىنىمىزعا سەنىمدىمىز»، - دەلىنەدى پروكۋراتۋرا حابارلاماسىندا.

 

اۆتور
دۋمان ارعىنگەلدى