الماتى وبلىسىندا ۇلتارازدىقتى قوزدىرعان ايەلگە سوت ۇكىمى شىقتى

Бұрынғы Индустрия вице-министріне қатысты сот үкімі шықты
Фото: Kazinform

قونايەۆ. KAZINFORM - الماتى وبلىسى ۇيعىر اۋدانىنىڭ اۋداندىق سوتىندا ازامات م. -عا قاتىستى ۇلتتىق ارازدىقتى قوزدىرعانى ءۇشىن (ق ك 174-بابىنىڭ 1-بولىگى) قىلمىستىق ءىس قارالدى.

الماتى وبلىسى سوتىنىڭ باسپا ءسوز قىزمەتى حابارلاعانداي، وتكەن جىلدىڭ 6-قاراشا كۇنى ساعات 19:00 شاماسىندا م. ازاماتتاردىڭ ۇلتتىق ار-نامىسى مەن قادىر-قاسيەتىن قورلاۋعا باعىتتالعان اۋديوجازبانى What'sApp مەسسەندجەرىندە كورشىلەرىنىڭ ءارتۇرلى ۇلت ازاماتتارى بار چاتىنا جىبەرگەن.

اتالعان اۋديوجازبا قوعامدىق ءتارتىپتى بۇزىپ، ۇيعىر اۋدانىنىڭ تۇرعىندارى اراسىندا نارازىلىق تۋدىرعان.

«پروكۋرور م. -عا باس بوستاندىعىن شەكتەۋ تۇرىندەگى جازا تاعايىنداۋدى سۇرادى. م. كىناسىن مويىندادى، شىن نيەتپەن وكىنىپ، سوتتان باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى. سوتتالۋشىنىڭ كىناسى قىلمىستىق ءىس ماتەريالدارىمەن دالەلدەنىپ، راستالعان، اتاپ ايتقاندا، سوتتالۋشىنىڭ ايعاقتارىمەن، كۋاگەرلەردىڭ جاۋاپتارىمەن، زاتتاردى تەكسەرۋ حاتتاماسىمەن، ساراپتاما قورىتىندىسىمەن جانە باسقا دا وبەكتيۆتى دالەلدەمەلەرمەن ءوز دالەلىن تاپقان»، - دەپ حابارلادى الماتى وبلىسى سوتىنىڭ باسپا ءسوز قىزمەتى.

ق ك- ءنىڭ 174-بابىنىڭ 1-بولىگىنىڭ سانكسياسى ەكى مىڭنان جەتى مىڭعا دەيىنگى ايلىق ەسەپتىك كورسەتكىش مولشەرىندەگى ايىپپۇل سالۋ، ەكى جىلدان جەتى جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ تۇرىندەگى جازانى كوزدەيدى.

سوت جەڭىلدەتەتىن جاعداي رەتىندە شىن نيەتپەن وكىنۋىن، اۋىرلاتاتىن جاعدايلاردىڭ بولماۋىن، زەينەتكەرلىك جاسىن، دەنساۋلىق جاعدايىن ەسكەرە وتىرىپ، سوتتالۋشىنى تۇزەتۋ ونىڭ قوعامنان وقشاۋلانباي-اق قول جەتكىزۋگە بولادى دەپ سانادى.

«سوت ۇكىمىمەن م. كىنالى دەپ تانىلدى جانە وعان ق ك 44-بابىنىڭ 2-بولىمىندە كوزدەلگەن مىندەتتەردى ورىنداي وتىرىپ، 3 جىل 6 ايعا باس بوستاندىعىن شەكتەۋ تۇرىندەگى جازا تاعايىندالدى. ۇكىم زاڭدى كۇشىنە ەنگەن جوق»، - دەلىنەدى سوتتىڭ حابارلاماسىندا.

سوڭعى جاڭالىقتار