الماتى وبلىسىندا كوشپەندىلەر قالاشىعىنا جول سالىنادى
قوناەۆ. KAZINFORM - قونايەۆ اكىمدىگى كوشپەندىلەر قالاشىعىنا جول سالىناتىنىن حابارلادى.
قونايەۆ قالاسى اكىمدىگىنىڭ جولاۋشىلار تاسىمالى جانە اۆتوموبيل جولدارى ءبولىمىنىڭ باسشىسى باعدات الييەۆتىڭ ايتۋىنشا، بىلتىر كوشپەندىلەر قالاشىعىنا جول سالۋ ءۇشىن جوبالىق-سمەتالىق قۇجاتتاما ازىرلەنگەن.
- مەملەكەتتىك ساراپتامانىڭ وڭ قورىتىندىسى الىنعان جاعدايدا بيۋدجەتتىك ءوتىنىم بەرىلىپ، قۇرىلىسقا اقشا ءبولۋ ماسەلەسى قاراستىرىلادى، - دەدى ءبولىم باسشىسى.
سونىمەن قاتار باعدات اليەۆ قونايەۆ قالاسىندا 9 مارشرۋت بويىنشا 28 دانا قوعامدىق كولىك قاتىنايتىنىن اتاپ ءوتتى. بىلتىر قالا اۆتوپاركى 2 اۆتوبۋسپەن تولىقسا، بيىل جاڭا 5 كولىك الۋ جوسپارلانعان.
- الەۋمەتتىك ماڭىزى بار مارشرۋتتاردى سۋبسيديالاۋعا 2024 -جىلى قونايەۆ قالاسىنا 602,2 ميلليون تەڭگە ءبولىندى. بيىلعا كەلىسىمشارت قاڭتار ايىندا جاسالادى، - دەدى ول.
