الماتى وبلىسىندا جازاسىن وتەۋ شارتىن بۇزعان قىلمىسكەر ۇستالدى
استانا. KAZINFORM - الماتى وبلىسىندا پوليتسەيلەر جازاسىن وتەۋ شارتىن بۇزعان قىلمىسكەردى ۇستادى.
18-جەلتوقساندا وبلىستىق ۇيىمداسقان قىلمىسقا قارسى كۇرەس باسقارماسىنىڭ پوليتسەيلەرى «قۇقىقتىق ءتارتىپ» جەدەل-الدىن الۋ ءىس-شاراسى اياسىندا تالعار اۋدانى بايتەرەك اۋىلىنىڭ 47 جاستاعى تۇرعىنىن ۇستادى.
- قۇرىقتاۋ بۇرىن الماتى وبلىستىق سوتىنىڭ ۇكىمىمەن تاعايىندالعان باس بوستاندىعىن شەكتەۋ تۇرىندەگى جازانى وتەۋ شارتتارىن بۇزۋمەن بايلانىستى. پروباتسيالىق باقىلاۋ شارتتارىن ساقتاماعانى ءۇشىن سوت جازانى باس بوستاندىعىنان ايىرۋعا اۋىستىردى. قازىرگى ۋاقىتتا ۇستالعان ادام قونايەۆ قالالىق پوليتسيانىڭ ۋاقىتشا ۇستاۋ يزولياتورىنا قامالدى، - دەپ حابارلادى ۆەدومستۆودا.
ەسكە سالايىق، 2022-جىلى ەر ادامدى بوپسالاۋ دەرەگى بويىنشا سوت 3,5 جىلعا باس بوستاندىعىنان ايىردى. سونىمەن قاتار، جازا سوتتالۋشىنى پروباتسيا قىزمەتىنىڭ ەسەبىنە قويۋدى قامتىدى.
