الماتى وبلىسىندا جاڭا قالا پايدا بولدى

اقوردانىڭ باسپا ءسوز قىزمەتى الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى مالىمەتى جاريالادى، دەپ حابارلايدى Kazinform.

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:

1.الماتى وبلىسىنىڭ ىلە اۋدانى ودان جەتىگەن اۋىلىن ءبولۋ جولىمەن قايتا ۇيىمداستىرىلسىن.

2.الماتى وبلىسى ىلە اۋدانىنىڭ جەتىگەن اۋىلى وبلىستىق ماڭىزى بار قالا ساناتىنا جاتقىزىلسىن جانە ونىڭ اتاۋى الاتاۋ قالاسى بولىپ وزگەرتىلسىن.

3.قازاقستان رەسپۋبليكاسىنىڭ ۇكىمەتى وسى جارلىقتىڭ 1 جانە 2-تارماقتارىن ىسكە اسىرۋ جونىندە قاجەتتى شارالار قابىلداسىن.

وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق. توقايەۆ

استانا، اقوردا، 2024-جىلعى 9- قاڭتار

432№