15:29, 28 - تامىز 2024 | GMT +5
الماتى وبلىسىندا ءيتتى كولىكپەن سۇيرەگەن ادامنىڭ ۇستىنەن ءىس قوزعالدى
قونايەۆ. KAZINFORM - الەۋمەتتىك جەلىدە كولىككە بايلانعان ءيتتىڭ بەينەجازباسى تارادى. وندا وقيعانىڭ الماتى وبلىسى جاندوسوۆ اۋىلىندا بولعانى ايتىلعان.
- جاندوسوۆ اۋىلى. ءيتتى كولىككە بايلاپ قويىپ سۇيرەدى. ءيت تۇنشىعىپ قالدى. توقتاتىپ، ونى بوساتقىزدىق. باستىعى وسىلاي شىعارتىرىپ قويدى، - دەلىنگەن بەينەجازبادا.
الماتى وبلىسىنىڭ پوليتسيا دەپارتامەنتىندە اتالعان جاعداي بويىنشا كۇدىكتى ۇستالىپ، قىلمىستىق ءىس قوزعالعانىن حابارلادى.
- كۇدىكتىنى قاراساي اۋدانىنىڭ پوليتسەيلەرى انىقتاپ، ۇستادى. وعان قاتىستى جانۋارلارعا قاتىگەزدىك جاساۋ بويىنشا قىلمىستىق ءىس قوزعالدى، - دەپ حابارلادى وبلىستىق پ د.
ەسكە سالايىق، بۇعان دەيىن قونايەۆ قالاسىنداعى ەسكى گاراجدار بۇزىلىپ، ورنىنا باسقا نىساندار سالىناتىنىن جازعانبىز.
اۆتور
دوسبول اتاجان
