الماتى وبلىسىندا ءسىبىر جاراسى انىقتالعان اۋىلدا كارانتين ەنگىزىلدى
قونايەۆ. KAZINFORM - رەسپۋبليكالىق ۆەتەريناريالىق زەرتحانا 2 باس ءىرى قارا مالىنان الىنعان سىنامالارىندا قاراسان (ءسىبىر جاراسىنىڭ) بولۋىن راستايتىن باكتەريولوگيالىق زەرتتەۋلەردىڭ ناتيجەلەرىن الدى.
ۇلكەن اقسۋ اۋىلىندا ءتىرى جانۋارلار مەن مال شارۋاشىلىعى ونىمدەرىن اكەلۋگە جانە اكەتۋگە تىيىم سالىندى.
اۋماقتىق ۆەتەريناريالىق ينسپەكتسيا جاو ۆەتەريناريالىق دارىگەرلەرىمەن بىرلەسىپ جانۋارلاردى اۋلالىق تەكسەرۋ، ۆاكتسيناتسيالاۋ جانە جانۋارلار يەلەرىمەن ءتۇسىندىرۋ جۇمىستارىن جۇرگىزەدى- دەپ حابارلادى اكىمدىكتەن.
ەلدى مەكەنگە تاراتۋ ءىس- شارالارىن جۇرگىزۋ، ونىڭ ىشىندە دەزينفەكتسيا جۇرگىزۋ ءۇشىن ا ش م- ءنىڭ رەسپۋبليكالىق ەپيزووتياعا قارسى وتريادى كوشىرىلەدى، قاجەتتى ماماندار مەن ارنايى تەحنيكا شتاتى بار.
“ول جەردە ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى سامات تولەگەنوۆ ءجۇر. قولدانىستاعى الگوريتمگە سايكەس بارلىق قاجەتتى ۆەتەريناريالىق-سانيتاريالىق شارالار وتكىزىلەدى جانە اۋىل شارۋاشىلىعى مينيسترلىگىنىڭ ەرەكشە باقىلاۋىندا بولادى»، - دەپ اتاپ ءوتتى اكىمدىكتەن.
