الماتى وبلىسىندا ءۇش جاسار قىزدى اۋەدەن دە، سۋ استىنان دا ىزدەپ تابا الماي جاتىر

قونايەۆ. KAZINFORM - الماتى وبلىسىندا ءۇش جاسار بالانى ىزدەۋگە قازاۆياقۇتقارۋ تىكۇشاعى تارتىلدى.

كەشە الماتى وبلىسىنىڭ كۋش اۋىلىندا 3 جاسار قىز بالانىڭ جوعالعانىن حابارلاعان ەدىك.

17- ناۋرىز ساعات 21:44 تە الماتى وبلىسى قۇتۇقارۋ قىزمەتىنە ەڭبەكشىقازاق اۋدانىنىڭ بەزىميانوە كولى كۋش اۋىلىنىڭ ماڭىندا 2021-جىلى تۋعان قىزدىڭ جوعالىپ كەتكەنى تۋرالى حابار تۇسكەن.

ول سول كۇنى 16:30 دا ەرەسەكتەردىڭ قاراۋىنسىز قالىپ، ۇيدەن شىعىپ كەتكەن.

ىزدەۋ ورنىندا جەدەل شتاب قۇرىلدى. ىزدەۋ جۇمىسىنا 300 گە جۋىق ادام جانە 80 گە جۋىق تەحنيكا، تەپلوۆيزورى بار 4 پيلوتسىز ۇشۋ اپپاراتى، سونداي-اق «قازاۆياقۇتقارۋ» تىكۇشاعى جۇمىلدىرىلدى.

ءبىرىنشى كۇننەن باستاپ قۇتقارۋشىلار ءتىزىلىپ قاراۋ ادىسىمەن جەر بەتىنەن ىزدەدى.

ر ج ق ج قۇتقارۋشىلارى 30 مەتر قاشىقتىقتا ورنالاسقان سۋ ايدىنىنا سۇڭگىپ ىزدەستىرۋدە، سونداي-اق تارتىلعان كۇش-قۇرالدار وقيعا ورنىندا جانە سۋ ايدىنىنىڭ جاعالاۋ سىزىعى بويىنشا ءيىسشىل يتتەردى پايدالانا وتىرىپ ىزدەپ جاتىر.

بارلىق مۇمكىن جەرلەر تەكسەرىلۋدە.

ۇزدىكسىز بايلانىستى قامتاماسىز ەتۋ ءۇشىن وقيعا ورنىندا ت ج د كوماندالىق-شتابتىق ماشيناسى ورنالاسقان.

ىزدەۋ جۇمىستارى جالعاسىپ جاتىر.