الماتى وبلىسىندا ءۇش اپتانىڭ ىشىندە جول اپاتىنان 10 ادام قازا تاپتى

قوناەۆ. KAZINFORM - جىل باسىنان بەرى الماتى وبلىسىندا جول اپاتىنان 125 ادام زارداپ شەگىپ، 10 تۇرعىن قازا تاپتى.

жол апаты
Фото: Павлодар облысы ПД

- جول- كولىك وقيعالارىنىڭ نەگىزگى سەبەپتەرى - جۇرگىزۋشىلەر مەن جاياۋ جۇرگىنشىلەردىڭ جول قوزعالىسى ەرەجەلەرىن بۇزۋى. 2025 -جىلدىڭ باسىنان بەرى وبلىس اۋماعىندا 73 جول اپاتى تىركەلدى، - دەپ حابارلادى الماتى وبلىسى پوليتسيا دەپارتامەنتىنەن.

سونىڭ سالدارىنان 125 ادام ءتۇرلى دەنە جاراقاتىن السا، 10 ادام كوز جۇمدى.

- مۇنداي جاعدايلاردىڭ الدىن الۋ ءۇشىن پوليتسيا قىزمەتكەرلەرى جول قوزعالىسىنا قاتىسۋشىلارمەن كۇندەلىكتى پروفيلاكتيكالىق اڭگىمەلەر وتكىزىپ، جولداردا ەرەجەلەردى ساقتاۋ جانە ساقتىقتى ارتتىرۋ قاجەتتىگىن ەسكە سالادى. قولايسىز اۋا رايىندا اپاتتاردىڭ سانىن ازايتۋ جانە جول قوزعالىسىنىڭ بارلىق قاتىسۋشىسىنىڭ قاۋىپسىزدىگىن قامتاماسىز ەتۋ ءۇشىن تاۋەكەلى جوعارى ۋچاسكەلەردە پاترۋلدەۋ كۇشەيتىلەدى، - دەپ اتاپ ءوتتى ۆەدومستۆودان.

وسىعان دەيىن الماتى- بىشكەك اۆتوجولىندا ادام ولىمىنە اكەلگەن جول اپاتى تۋرالى جازعان بولاتىنبىز.

 

سوڭعى جاڭالىقتار