07:43, 20 - قىركۇيەك 2024 | GMT +6
الماتى وبلىسىندا ءبىر توپ بارىمتاشى مالدى جايىلىمدا سويىپ، ەتىن اكەتىپ وتىرعان
قونايەۆ. KAZINFORM - الماتى وبلىسىنىڭ پوليتسەيلەرى «ۋچاسكە» جەدەل ءىس-شاراسى بارىسىندا ءبىر توپ مال ۇرىسىن ۇستادى.
- كريمينالدىق پوليسيا قىزمەتكەرلەرى جامبىل اۋدانىنىڭ اۋماعىندا ەكى كۇدىكتىنى ۇستاۋ بويىنشا جۇمىس جۇرگىزدى. قازىر ولاردىڭ ءۇش مال ۇرلىعىنا قاتىسى بارى انىقتالدى،- دەپ حابارلادى وبلىستىق كريمينالدىق پوليسيا باسقارماسى.
بارىمتاشىلار بۇكىل مال ۇرلىعىن وسىنداي ءبىر سحەمامەن جاساعان، ولار مال قاراۋسىز جايىلاتىن جەرلەردى تاڭدايتىن.
سودان كەيىن مالدى سول جەردە سويىپ، ەتىن كولىكتىڭ جۇكسالعىشىنا تيەپ الىپ كەتەتىپ وتىرعان.
كۇدىكتىلەر ۋاقىتشا ۇستاۋ يزولياتورىنا قامالدى.
ولاردىڭ باسقا دا وسىعان ۇقساس قىلمىستارعا قاتىسى بار-جوعى تەكسەرىلىپ، بارلىق قاجەتتى تەرگەۋ ءجۇرىپ جاتىر.
