الماتى وبلىسىندا ءبىر اۋىلدىڭ تۇرعىندارى الكوگولدىك ىشىمدىكتەن باس تارتتى

ىشىمدىكتەن باس تارتتى
فوتو: gov.kz

قونايەۆ. KAZINFORM - الماتى وبلىسىنىڭ ىلە اۋدانىنا قاراستى اقشي اۋىلىندا «اراقسىز اۋىل» جوباسى جۇزەگە اسا باستادى. بۇل تۋرالى الماتى وبلىسى پوليتسيا دەپارتامەنتىنىڭ باستىعى باۋىرجان الەنوۆ Instagram پاراقشاسىندا جازدى.

باۋىرجان الەنوۆتىڭ مالىمەتىنشە، يگى ءىستى اۋىلدىڭ ارداگەرلەر مەن انالار كەڭەسى مۇشەلەرى جانە پوليتسيا باسقارماسى بىرلەسىپ قولعا العان. اۋىلدىڭ كاسىپكەرلەرى دە قارسى بولماعان.

«ەلىمىز بويىنشا جاسالعان قىلمىستىڭ ۇشتەن ءبىرى اشى سۋ سالدارىنان بولعان. اقشي اۋىلىندا 7 مىڭعا جۋىق حالىق تۇرادى، 16 دۇكەن تولىقتاي اراق ساتۋدان باس تارتتى. بۇل باستاما اۋىل بويىنشا قوعامدىق ءتارتىپتىڭ ساقتالۋىنا وڭ اسەرىن تيگيزەتىنە سەنىمدىمىن. الماتى وبلىسى تۇرعىندارىن «اراقسىز اۋىل» جوباسىن قولداۋعا شاقىرامىن»، - دەپ جازدى باۋىرجان الەنوۆ.

ەسكە سالساق، قازاقستاندا الكوگولدىك ىشىمدىكتەن باس تارتقان اۋىلدار تۋرالى جازعانبىز.

سوڭعى جاڭالىقتار