21:12, 28 - ماۋسىم 2024 | GMT +6
الماتى وبلىسىندا 5 كولىكتىڭ قاتىسۋمەن جول اپاتى بولدى
قونايەۆ. KAZINFORM - «الماتى-وسكەمەن» تاسجولىندا 5 كولىكتىڭ قاتىسۋمەن جول-كولىك وقيعاسى بولدى. بۇل تۋرالى الماتى وبلىسىنىڭ پوليتسيا دەپارتامەنتى حابارلادى.
- بەس اۆتوكولىكتىڭ قاتىسۋىمەن جول اپاتى 28-ماۋسىمدا «الماتى- وسكەمەن» اۆتوجولىنىڭ 42 شاقىرىمىندا بولعانىن حابارلايمىز. اپات سالدارىنان Lada Granta اۆتوكولىگىنىڭ جۇرگىزۋشىسى ءتۇرلى دەنە جاراقاتتارىمەن اۋداندىق اۋرۋحاناعا جاتقىزىلدى، - دەپ حابارلادى دەپارتامەنت باسپا ءسوز قىزمەتىنەن.
سونىمەن قاتار وبلىستىق پوليتسيا جول قاۋىپسىزدىگى تالاپتارىن بۇزباۋعا، ق ر جول ەرەجەلەرىن قاتاڭ ساقتاۋعا جانە رۇقسات ەتىلگەن جىلدامدىق رەجيمىنەن اسپاۋعا شاقىردى.
ايتا كەتەيىك، بۇعان دەيىن الماتىدا كولىك اعاشقا سوعىلىپ، ءتورت جاس جىگىت مەرت بولعانىن جازعان ەدىك.
