جەردى زاڭسىز پايدالانۋ، اتىس قارۋىن ساقتاۋ، جەڭگەتايلىق: تۇركىستان وبلىسىندا ۇيىمداسقان قىلمىستىق توپ ۇستالدى

تۇركىستان. KAZINFORM - تۇركىستان وبلىسىندا پوليتسيا جەر قويناۋىن زاڭسىز وندىرۋمەن اينالىسقان ادامدار توبىن ۇستادى. بۇل تۋرالى Polisia.kz. جازدى.

تۇركىستان وبلىسىندا پوليتسەيلەر شاردارا مەن جەتىساي اۋدانىندا جۇرگىزىلگەن جەدەل- ىزدەستىرۋ ءىس-شاراسى بارىسىندا، جەر قويناۋىن زاڭسىز وندىرۋمەن، اتىس قارۋىن ساقتاۋمەن جانە جەڭگەتايلىقپەن اينالىسقان ادامدار توبىن انىقتادى.

«ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى مەن جىلدام قيمىلدايتىن ارنايى جاساق قىزمەتكەرلەرى بىرلەسىپ، كۇدىكتى 9 ادامدى، ونىڭ ىشىندە قىلمىستىق توپتىڭ ۇيىمداستىرۋشىسى، بۇرىن سوتتالعان جەرگىلىكتى تۇرعىندى ۇستادى. جەدەل ۋاكىلدەر ءتىنتۋ بارىسىندا، ولاردان 1 جۇك تيەگىش كولىك، 7 جۇك كولىگىن، 2 اڭشىلىق مىلتىق، پاتروندار جانە باسقا دا زاتتاي دالەلدەمەلەردى تاركىلەدى. بۇدان باسقا پوليتسەيلەر شاردارا قالاسىنداعى ءىس- شارالار بارىسىندا، جەزوكشەلىكپەن اينالىسۋ ءۇشىن پريتون ۇيىمداستىرۋ فاكتىسىن انىقتادى. جەدەل ۋاكىلدەر پريتوننىڭ 2 اكىمشىسىن، قازاقستاننىڭ 4 ازاماتىن ۇستادى. سونداي- اق اقشالاي قاراجات پەن وزگە دە زاتتاي دالەلدەمەلەر تاركىلەندى. قازىرگى ۋاقىتتا اتالعان فاكتىلەر بويىنشا قىلمىستىق ىستەر قوزعالدى. كۇدىكتىلەر قاماۋعا الىندى»، - دەلىنگەن حابارلامادا.

تەرگەۋ جۇرگىزىلىپ، وقيعانىڭ تولىق ءمان- جايى انىقتالىپ جاتىر.