الماتى وبلىسى تاۋلارىندا قار كوشكىنى قاۋپى ساقتالادى
قونايەۆ. KAZINFORM - الماتى تاۋلارىندا قار كوشكىنى ءجۇرۋ قاۋپىنە بايلانىستى وبلىستىڭ توتەنشە جاعدايلار دەپارتامەنتى ەسكەرتۋ جاريالادى.

- الماتى وبلىسىنىڭ تاۋلارىندا 3-10- اقپان ارالىعىندا كوشكىن قاۋپى ساقتالادى. ت ج د ازاماتتاردان، تۋريستەردەن جانە دەمالۋشىلاردان قار كوشكىنى بولۋى مۇمكىن قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك تالاپتارىن ساقتاۋدى سۇرايدى، - دەلىنگەن ت ج د حابارلاماسىندا.
ۆەدومستۆونىڭ مالىمەتىنشە، وبلىس بويىنشا كوشكىن قاۋپى بار 55 ۋچاسكە بار. ولار ەڭبەكشىقازاق، تالعار جانە قاراساي اۋداندارىندا - ىلە- الاتاۋ تاۋلارىنىڭ وڭتۇستىك بەتكەيىندە ورنالاسقان.
نەگىزىنەن قار كوشكىنى تەمپەراتۋرانىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى.
ەسكە سالايىق، بۇعان دەيىن الماتى وبلىسىندا قار كوشكىنى قاۋپىنە بايلانىستى بىرنەشە اۆتوجول كوكتەمگە دەيىن جابىلعانىن جازعانبىز.