الماتى وبلىسى قىتايمەن ۆيزاسىز رەجيمگە دايىندالىپ جاتىر
قازاقستان قىتايدان كەلەتىن قوناقتاردى كۇتۋگە دايىندالىپ جاتىر. ق ح ر- مەن رەسمي ۆيزاسىز رەجيم قارساڭىندا الماتى وبلىسى قىتايلىق WeChat جەلىسىندە، TikTok ارنايى الاڭىندا جانە قىتايلىق اۋەكومپانيالار بورتتارىندا اۋقىمدى ماركەتينگ كامپانياسىن جۇزەگە اسىردى.
جاڭا مۇمكىندىكتەر جايلى مالىمەتتەر ورىندىقتاردىڭ انتيماككاسارلارىندا (ۇشاقتاعى ورىندىقتاردىڭ باس قوياتىن جەردەگى ارنايى مايلىقتار) پايدا بولدى.
وسىلايشا، قازاقستان مەن ق ح ر اراسىنداعى ۆيزاسىز رەجيم تۋرالى چىڭدۋ شۋانليۋ حالىقارالىق اۋەجايىندا بىلۋگە بولادى. ول چىڭدۋ قالاسىنان شامامەن 16 شاقىرىم جەردە وڭتۇستىك- باتىس بولىگىندە، شۋانليۋ اۋدانىنىڭ سولتۇستىگىندە ورنالاسقان. بۇل باتىس قىتايداعى ءىرى اۋەتورابى جانە قىتايدىڭ سىچۋان پروۆينتسياسىنىڭ استاناسى چىڭدۋعا قىزمەت كورسەتەتىن ەكى حالىقارالىق اۋەجايدىڭ ءبىرى، وندا نەگىزىنەن قىتايدىڭ ىشكى رەيستەرى ورىندالادى.
سونىمەن قاتار، شۋانليۋ اۋەجايى Air China اۋەكومپانياسىنىڭ نەگىزگى توراپتىق ەكى اۋەكومپانيالاردىڭ ءبىرى. سونداي- اق بۇل نەگىزگى حاب جانە Sichuan Airlines جانە Chengdu Airlines شتاب- پاتەرى، ال China Eastern Airlines, China Southern Airlines, Shenzhen Airlines, Lucky Air جانە Tibet Airlines اۋەكومپانيالارىنىڭ دا بازاسى بار. ستاتيستيكاعا سايكەس، شۋانليۋ اۋەجايى 2020 -جىلى الەمدە ەڭ كوپ رەيس ورىنداعان ءۇشىنشى، ال قىتايدا ەكىنشى ورىندا بولعان اۋەجاي ەكەن.
ەكىنشى اۋەجاي، جارناما اكسيالارعا قامتىلعان - بۇل ۇرىمجىدەگى ديۆوپۋ حالىقارالىق اۋەجايى. ءۇرىمجى ورتالىعىنان سولتۇستىك باتىسقا قاراي 16 شاقىرىم جەردە، سينشي اۋدانىنىڭ ديۆوپۋ اۋىلىندا ورنالاسقان بۇل اۋەجاي قىتايدىڭ سولتۇستىك- باتىسىندا ورنالاسقان شىنجاڭ- ۇيعىر اۆتونوميالىق اۋدانىنىڭ استاناسى ءۇرىمجى حالقىنا قىزمەت ەتەدى. ديۆوپۋ - China Southern Airlines اۋەكومپانياسىنىڭ ءۇشىن نەگىزگى حاب جانە Hainan Airlines اۋەكومپانياسى ءۇشىن ماڭىزدى اۋەايلاعى. 2018 -جىلى اۋەجاي 23 ميلليون جولاۋشىعا قىزمەت كورسەتكەن، سونىڭ ناتيجەسىندە قىتايداعى جۇكتىلىگى بويىنشا 19-ورىندى يەلەنگەن.
قىتايدىڭ اۋەتاسىمالداۋ نارىعىندا باستى ويىنشىلاردىڭ ءبىرى China Southern Airlines ەكەنىن ايتا كەتەيىك. اۋەكومپانيا لوگوتيپىندە ۇشاقتىڭ ارتقى بولىگىندە تىك قاناتى كوككە بويالعان جانە كاپوكا گۇلى بەزەندىرىلگەن، ول نەگىزىنەن گۋاڭجۋ قالاسىنىڭ سيمۆولى ەكەنىن دە ايتا كەتۋ كەرەك. كومپانيا ۇرانى - "ارمانىڭا قاراي ۇش". قىتايدىڭ ءىرى اۋەكومپانياسىنىڭ گۋاندۋن پروۆينتسياسىنىڭ گۋاڭجۋ قالاسىنداعى بايۋن اۋدانىندا شتاب- پاتەرى ورنالاسقان. ق ح ر- مەن ۆيزاسىز رەجيم تۋرالى جاڭا مۇمكىندىكتەر جارناماسى China Southern Airlines اۋەكومپانياسىنىڭ بەس بورتىندا ءجۇرىپ جاتىر.
اۋەكومپانيا CAAC Airlines قايتا قۇرىلىمداۋدان كەيىن 1988 -جىلى 1-شىلدەدە پايدا بولدى، ول ءوز برەندىنىڭ استىنا بىرنەشە ىشكى رەيستەردى ورىندايتىن اۋەكومپانيالاردى بىرىكتىردى جانە Air China جانە China Eastern Airlines اۋەكومپانيالارىمەن بىرگە قىتايلىق "ۇلكەن ۇشتىككە" ەندى. بۇگىندە China Southern Airlines - تاسىمالدانعان جولاۋشىلار سانى بويىنشا الەمدەگى التىنشى ءىرى اۆياكومپانيا جانە فلوت مولشەرى، كىرىسى جانە تاسىمالدانعان جولاۋشىلار سانى بويىنشا ازياداعى ەڭ ءىرى اۋەكومپانيا. گۋانجۋداعى بايۋن حالىقارالىق اۋەجايىندا جانە بەيجىڭدەگى داسين حالىقارالىق اۋەجايىندا نەگىزگى حابتارى بار. اۋەتاسىمالداۋشى كۇن سايىن 200 باعىت بويىنشا 2000 نان اسا رەيس ورىندايدى. 2019 -جىلى 1-قاڭتارعا دەيىن ءجيى ۇشاتىن جولاۋشىلار باعدارلاماسى بويىنشا SkyTeam اليانسىنىڭ قۇرامىندا بولدى، كەيىن سول جىلى ناۋرىزدا كومپانيا الەمدەگى كوشباسشى - American Airlines اۋەكومپانياسىمەن سەرىكتەس بولدى.
WeChat - قىتايدا تانىمال جىلدام حات الماسۋ، الەۋمەتتتىك جەلى جانە ءموبيلدى تولەمدەر اتقارىلاتىن قوسىمشا. ونى 2011 -جىلى Tencent كومپانياسى ويلاپ تاۋىپ، شىعارعان. 2018 -جىلى ميلليارد قولدانۋشى تىركەلگەننەن كەيىن، ول ادەمدەگى ءىرى اۆتونومدى ءموبيلدى قوسىمشا بولدى. WeChat ءوزىنىڭ جەرگىلىكتى لاقاپ اتىنا لايىق بولدى: فۋنكتسيالاردىڭ كەڭ سپەكترىنە بايلانىستى، ونىڭ ىشىندە ۆيدەوكونفەرەنتسيالار، ۆيدەوويىندار، ءموبيلدى تولەم، مەكەن- جايمەن ءبولىسۋ جانە دە باسقا قىزمەتتەرى ءۇشىن قىتايدا ونى "بارلىعى ءۇشىن ارنالعان قوسىمشا"، سونداي- اق "سۋپەرقوسىمشا" دەپ اتايدى. ق ح ر مەن قازاقستان اراسىندا ۆيزاسىز رەجيم تۋرالى اقپارات WeChat قوسىمشاسىندا دا جاريالاندى.
جاقسى جاڭالىقپەن بارىنشا ءبولىسۋ ءۇشىن قازاقستان TikTok جەلىسىن قولداندى - بەيجىڭدىك ByteDance كومپانياسى قۇراستىرعان قىسقا ۆيدەولاردى جاساۋ ءارى تاماشالاۋ سەرۆيسى. قىتايدا پايدا بولعان الەۋمەتتىك جەلى باسقا دا ەلدەردىڭ ينتەرنەت قولدانۋشىلارىن جاۋلاپ الدى. TikTok جەلىسىنىڭ حالىقارالىق نۇسقاسىنىڭ رەليزى 2018 -جىلى جاريالاندى. TikTok وكىلدىگى لوس- اندجەلەس، نيۋ- يورك، لوندون، پاريج، ماسكەۋ، بەرلين، دۋباي، مۋمباي، دجاكارتا، سەۋل جانە توكيو قالالارىندا بار. 2018 -جىلى قوسىمشاعا 150 ەلدەن ءبىر ميللياردتان اسا قولدانۋشى تىركەلگەن.
ق ح ر- دا قوسىمشا "دوۋين" دەگەن اتپەن تانىلعان. نەگىزىندە TikTok پەن "دوۋين" - ءبىر سەرۆيس، الايدا قىتايداعى تسەنزۋرا شەكتەۋلەرىنە بايلانىستى بولەك سەرۆەرلەردە جۇمىس ىستەيدى. قىتايدا ونىڭ تانىمالدىلىعى نورمادان اسىپ تۇسكەن، قولدانۋشىلاردىڭ 60 پايىز 25-44 جاس ارالىعىندا، ال باسقا ەلدەردە 24 تەن اسقاندار ۇلەسى تەك 43 پايىز. 2021 -جىلى قىركۇيەكتە TikTok جەلىسىنىڭ ايسايىنعى اۋديتورياسى 1 ميلليارد ادامنان اسقان. قىتايلىق اۋديتوريا ءۇشىن جارناما كامپانياسى ماقساتىندا TikTok پەن WeChat قوسىمشالارى ارقىلى 2 ميلليون كورسەتىلىم جاريالانعان.
kaz.tengritravel.kz