الماتى تاۋلارىنداعى 6 مورەنالدى كول قاۋىپتى

الماتى. KAZINFORM - الماتى اكىمى ەربولات دوسايەۆ، «قازسەلدەنقورعاۋ» مەكەمەسى مەن توتەنشە جاعدايلار دەپارتامەنتى باسشىلىعى مەگاپوليستىڭ سەل قاۋىپسىزدىگىن باقىلاۋ جانە مونيتورينگ جۇرگىزۋ ماقساتىندا مورەنالىق كولدەردىڭ جاي-كۇيىنە اەروۆيزۋالدى زەرتتەۋ جۇرگىزدى.

тау
Фото: Алматы әкімдігі

«قازىرگى ۋاقىتتا الماتى قالاسىنداعى سەل قاۋپى تۇراقتى جانە ەرەكشە باقىلاۋدا. كولدەردىڭ كوپ بولىگى %65-70 عا تولادى. سۋ دەڭگەيى قاۋىپسىز بەلگىلەردە»، - دەپ اتاپ ءوتتى اكىمدىكتەن.

قازىرگى كەزدە تاۋلاردا اۋا تەمپەراتۋراسى 5-6°C. شىلدەدە بيىك تاۋلى ايماقتاعى ورتاشا ايلىق تەمپەراتۋرا 7-15°C شەگىندە اۋىتقيدى. «قازگيدرومەت» ر م ك ۇزاقمەرزىمدى بولجامى بويىنشا جازعى كەزەڭدە تاۋلاردا اۋا تەمپەراتۋراسىنىڭ جوعارىلايدى دەپ بولجانادى، كەيدە نورمادان جوعارى (22° Cدەيىن).

тау
Фото: Алматы әкімдігі

«سەل شىعارىندىلارىنىڭ الدىن الۋ ءۇشىن بيىل مورەندى كولدەردىڭ سۋى اعىزىلادى. الماتىنىڭ جەرگىلىكتى بيۋدجەت رەزەرۆىنەن وسى ماقساتتارعا 36,3 ميلليون تەڭگە ءبولىندى. بۇل قاراجاتقا سۋ اعىزۋ ارنالارىن تازارتۋ جانە تەرەڭدەتۋ ءۇشىن ونىمدىلىگى جوعارى سورعىلار، سيفون قۇبىرلارى، دانەكەرلەۋ اپپاراتتارى جانە باسقا دا جابدىقتار ساتىپ الىنادى»، - دەپ حابارلادى اكىمدىكتەن.

тау
Фото: Алматы әкімдігі

الماتى اكىمى ەربولات دوسايەۆ تاۋ وزەندەرىندەگى گيدرومەتەورولوگيالىق، كوشكىن، سۋ تاسقىنى، سەل جاعدايىنا تۇراقتى باقىلاۋ جۇرگىزۋدى جانە كۇشەيتۋدى تاپسىردى. «قازسەلدەنقورعاۋ» مم ماماندارى 10 تۇراقتى جانە 3-ماۋسىمدىق بەكەتتە باقىلاۋ جۇرگىزەدى. 20-ماۋسىمنان كەيىن قالعان 10 ماۋسىمدىق بەكەتتە باقىلاۋ باستالادى.

тау
Фото: Алматы әкімдігі
سوڭعى جاڭالىقتار