الماتى تاۋلارىندا قار كوشكىنى ءجۇرۋى مۇمكىن

قونايەۆ. KAZINFORM - قۇتقارۋشىلار وبلىس تۇرعىندارىن قار كوشكىنى قاۋپى تۋرالى ەسكەرتۋ جاريالادى.

- الماتى وبلىسىنىڭ تاۋلارىندا 1-2-قاڭتار ارالىعىندا كوشكىن قاۋپى ساقتالادى. ت ج د ازاماتتاردان، تۋريستەردەن جانە دەمالۋشىلاردان قار كوشكىنى بولۋى مۇمكىن قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك تالاپتارىن ساقتاۋدى سۇرايدى، - دەلىنگەن ت ج د حابارلاماسىندا.

ۆەدومستۆونىڭ مالىمەتىنشە، وبلىس بويىنشا كوشكىن قاۋپى بار 55 ۋچاسكە بار. ولار ەڭبەكشىقازاق، تالعار جانە قاراساي اۋداندارىندا - ىلە-الاتاۋ تاۋلارىنىڭ وڭتۇستىك بەتكەيىندە ورنالاسقان.

نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى.