18:36, 26 - مامىر 2024 | GMT +5
الماتى تاۋلارىنا قار ءتۇستى
الماتى.قازاقپارات- - 26 - مامىردا الماتىنىڭ تاۋلارىندا قار جاۋىپ، قالادا اۋا تەمپەراتۋراسى 12 گرادۋسقا دەيىن تومەندەدى.
بۇگىن تاڭەرتەڭ مەگاپوليستە اۋا رايى بۇلتتى، كەي جەرلەردە وتكىنشى جاڭبىر جاۋادى. تاۋلى ايماقتارعا قار ءتۇستى. Kazinform وقىرماندارى رەداكسياعا جاۋىن- شاشىننىڭ سۋرەتتەرىن جىبەردى. الەۋمەتتىك جەلىدە دە جاۋعان قاردىڭ ۆيدەوسى تاراپ جاتىر.
سونىمەن قاتار «شىمبۇلاق» تاۋ-شاڭعى بازاسىندا دا قار جاۋدى. شاڭعى تراسسالارى مەن كابەلدى ليفتتەردى ونلاين رەجيمىندە ترانسلياتسيالايتىن ۆەب- كامەرالار كۋرورتتىق ايماققا جاۋىپ جاتقان قاردى كورسەتتى.
بۇعان دەيىن اقمولا وبلىسىندا قار جاۋعانى تۋرالى جازعان ەدىك.
