19:10, 06 - تامىز 2024 | GMT +6
الماتى پروكۋراتۋراسى كاسىپورىننىڭ جۇمىسىنا زاڭسىز ارالاسقان باسقارما باسشىسىن جازالادى
الماتى. KAZINFORM - الماتى قالاسىنىڭ پروكۋراتۋراسى قالالىق كاسىپورىنداردىڭ ءبىرىن رۇقسات قۇجاتتارىنان ايىرۋ تۋرالى بۇيرىقتىڭ كۇشىن جويدى.
تۇركسىب اۋدانىنىڭ سانيتارلىق- ەپيدەميولوگيالىق باقىلاۋ باسقارماسى اۋىز سۋ وندىرۋمەن اينالىساتىن كاسىپورىندى رۇقسات قۇجاتتارىنان ايىرۋ تۋرالى شەشىم شىعارعان. الايدا بيزنەس وكىلىنىڭ شاعىمى بويىنشا تەكسەرىس جۇرگىزگەن قالالىق پروكۋراتۋرا بۇل بۇيرىقتى زاڭسىز دەپ تانىدى.
«قاداعالاۋ اكتىسى بويىنشا اتالعان بۇيرىقتىڭ كۇشى جويىلىپ، باسقارما باسشىسى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 173-بابى بويىنشا جاۋاپتىلىققا تارتىلدى. كاسىپكەرلەردىڭ قۇقىقتارىن قورعاۋ جۇمىسى ەرەكشە باقىلاۋدا»، - دەپ حابارلادى الماتى پروكۋراتۋراسىنىڭ باسپا ءسوز قىزمەتى.
