الماتى قالاسىنداعى شاعىن اۋداندا توپىراقتان كوشكىن ءتۇسىپ، ەكى ۇيگە زاقىم كەلدى

استانا. KAZINFORM - بۇگىن اقپاندا ساعات 02.20-دا الماتى قالاسى مەدەۋ اۋدانىنىڭ تاۋ-سامال شاعىن اۋدانىندا الدىن الا اقپارات بويىنشا تەحنوگەندىك سيپاتتاعى توپىراقتىڭ ىلعالدانۋىنان سىرعىما ءتۇستى، دەپ حابارلايدى ق ر توتەنشە جاعدايلار مينيسترلىگىنىڭ باسپا ءسوز قىزمەتى.

باسپا ءسوز قىزمەتىنىڭ مالىمەتتەرىنە قاراعاندا، وقيعا ورنىنا قازسەلدەنقورعاۋدىڭ، الماتى قالاسى 109 قۇتقارۋ قىزمەتىنىڭ، رەسپۋبليكالىق جەدەل- قۇتقارۋ جاساعىنىڭ، الماتى تجد كۇشتەرى مەن قۇرالدارى جىبەرىلدى. وقيعا ورنىنا كەلگەن كەزدە سىرعىما سالدارىنان ەكى ۇيگە زاقىم كەلگەنى انىقتالدى.

وقيعا ورنىندا ت ج د باسشىلىعى بار. ت ج م رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى تەكسەرۋ جۇرگىزۋدە.

جاعدايدى تالداۋعا سايكەس، قاردىڭ ەداۋىر مولشەرىنىڭ تۇسۋىنە بايلانىستى ورتا تاۋلى جانە بيىك تاۋلى ايماقتاردا تاۋلاردىڭ بەتكەيلەرىندەگى قاردىڭ تۇراقسىزدىعىنا بايلانىستى قار كوشكىنى قاۋپى بار.

ايتا كەتەيىك، جىلجىما - بۇل ەرىگەن، جاڭبىر نەمەسە جەر استى سۋلارىنىڭ بالشىق ءتارىزدى كۇيگە قانىعۋىنا بايلانىستى اۋىرلىق كۇشىنىڭ اسەرىنەن تومەن قاراي جىلجىعان تەرەڭدىگى ءبىر مەترگە دەيىنگى قۋاتى از توپىراق قاباتىنىڭ جولاعى.

الماتى قالاسى ت ج د جانە قازسەلدەن قورعاۋ سىرعىما قاۋپى بار ۋچاسكەلەردە تۇرعىن ۇيلەر سالۋدى ۇسىنبايدى.

تاۋدىڭ باۋرايىن ءۇي سالۋ، جولداردى كەسۋ، جوسپارلاۋ جۇمىستارى ءۇشىن كەسۋ ۇسىنىلمايدى.

اشىق سەپتيكتەردى، دارەتحانالاردى جانە باسقالارىن پايدالانۋعا تىيىم سالىنادى. تۇرعىن ءۇي الاپتارىنىڭ يەلەرىنە، باۋ-باقشا جانە ساياجاي قوعامدارىنىڭ باسشىلارىنا سۋ قۇبىرلارى مەن سۋارۋ قۇبىرلارىنىڭ، سەپتيكتەردىڭ جاعدايىن ۇنەمى قاداعالاپ وتىرۋ ۇسىنىلادى.