الماتى مەتروپوليتەنىن سالۋ كەزىندە 5 ميلليارد تەڭگەدەن استام قارجى ۇرلانعان - پروكۋراتۋرا

اقشا جىمقىرعان
فوتو: الماتى اكىمدىگى

باس كولىك پروكۋراتۋراسىنىڭ كەڭەيتىلگەن القا وتىرىسىندا وتكەن جىلدىڭ جۇمىسى قورىتىندىلاندى. وندا الماتى قالاسىنىڭ مەتروپوليتەنىن سالۋ كەزىندە 5 ميلليارد تەڭگەدەن استام قارجىنى جىمقىرۋ دەرەگىن تەرگەۋ اياقتالعانى بەلگىلى بولدى، دەپ حابارلايدى Kazinform.

«مەتروپوليتەن» ك م ك، «الماتىمەتروقۇرىلىس» ا ق لاۋازىمدى تۇلعالارى مەن باسقا دا تۇلعالارعا قاتىستى 5 ميلليارد تەڭگەدەن استام سوماعا بيۋدجەت قاراجاتىن جىمقىرۋ جانە الماتى قالاسىنىڭ مەتروپوليتەنىن سالۋ كەزىندە جالعان شوت-فاكتۋرالار جازىپ بەرۋ دەرەكتەرى بويىنشا تەرگەۋ اياقتالدى. قىلمىستىق ءىس ماتەريالدارى سوتقا جولداندى»، - دەلىنەدى پروكۋراتۋرانىڭ حابارلاماسىندا.

ايتا كەتەيىك، «مەتروپوليتەن» ك م ك-دا 5 ميلليارد تەڭگە جىمقىرۋ دەرەگى بويىنشا تەرگەۋ 2023 -جىلى 28-تامىزدا اياقتالدى. تەرگەۋ نۇسقاسى بويىنشا كۇدىكتىلەر الماتى قالاسىنىڭ جاڭا مەتروپوليتەن جەلىسىن سالۋ كەزىندە ۇلكەن باسقارۋ فۋنكسيالارىنا يە بولعان. ءدال وسى وكىلەتتىكتەر ولارعا قىلمىستىق جاعداي جاساپ، 5 ميلليارد تەڭگەنى ۇرلاۋعا مۇمكىندىك بەرگەن. ول ءۇشىن ولار جالعان باعا ۇسىنىستارىن جيناۋدى ۇيىمداستىرعان جانە سونىڭ نەگىزىندە جابدىقتى باعادان 10 ەسە جوعارى باعامەن ساتىپ الۋ سمەتاسى جاسالعان. كەيىن ۇرلانعان اقشالار جالعان كاسىپورىندار ارقىلى قولما-قول اقشاعا اينالىپ وتىرعان.

ۇرلانعاندى قايتارۋ ءۇشىن قىمبات ءۇش پاتەر، الماتىداعى وفيستىك كەڭسە، الماتى وبلىسىندا جەر ۋچاسكە، ليۋكس اۆتوكولىكتەر، برەندتى ساعاتتار جانە كۇدىكتىلەردىڭ باسقا دا اكتيۆتەرىنە ارەست سالىندى.

سوڭعى جاڭالىقتار