الماتى مەتروسىنىڭ جاڭا ءۇش جەلىسى سالىنادى

الماتى. KAZINFORM - الماتىدا مەترو جەلىسىنىڭ جاڭا باعىتتتارى سالىنباقشى. بۇل تۋرالى الماتى اكىمدىگىنىڭ باسپا ءسوز قىزمەتى ءمالىم ەتتى.

اكىمدىكتىڭ مالىمەتىنشە، الماتىدا شىعىس باعىتتا ۇزىندىعى 12,8 شاقىرىم، 8 بەكەتى بار مەترو جەلىسىن سالۋ جوسپارلانعان. بەكەتتەر اراسىنداعى ورتاشا قاشىقتىق شامامەن 1,7 شاقىرىم. جاڭا جەلىنىڭ باعىتى: جىبەك جولى بەكەتىنەن شىعىس باعىتتا گوگول كوشەسى بويىمەن ورتالىق مادەنيەت جانە دەمالىس ساياباعى ارقىلى شىعىس اينالما اۆتوجولىنا (ش ا ا ج) دەيىن، ارى قاراي سولتۇستىك-شىعىس باعىتتا قۇلجا تاس جولى بويىمەن اۋەجاي جاققا شىعاتىن بولادى.

سولتۇستىك باعىتتا مەتروپولليتەننىڭ ۇزىندىعى 16,4 شاقىرىم، 15 بەكەتى بار ءۇشىنشى جەلىسىن سالۋ جوسپارلانىپ وتىر. ونىڭ باعىتى كەلەسىدەي: سايران بەكەتىنەن سولتۇستىك باعىتتا برۋسيلوۆسكيي كوشەسى بويىمەن، ارى قاراي سولتۇستىك اينالما تاس جولى بويىمەن (ساۋدا بازارلارى ارقىلى) جانە شىعىس باعىتتا م. جۇمابايەۆ كوشەسىمەن كوكمايسا، قاراسۋ، اينابۇلاق شاعىن اۋداندارى ارقىلى حمەلنيتسكي كوشەسىنە دەيىن.

سونداي- اق جەر ءۇستى مەترو جەلىسىن سالۋ جوسپارلانعان. ول «الماتى-2» تەمىرجول بەكەتىنەن ءسۇيىنباي كوشەسى بويىمەن سولتۇستىك باعىتتا «الماتى-1» تەمىرجول ۆوكزالىنا دەيىنگى ارالىقتى قامتيدى. جەلىنىڭ ۇزىندىعى - 8,5 شاقىرىم. بەكەتتەردىڭ سانى مەن ورنالاسۋى جوبالاۋ كەزىندە انىقتالاتىن بولادى.

اۆتور

دۋمان ارعىنگەلدى