الماتى مەن استانا ءومىر ءسۇرۋ ساپاسى بويىنشا ماسكەۋدى باسىپ وزدى

الماتى. KAZINFORM - وكسفورد ەكونوميكس اناليتيكالىق كومپانياسى الەمدەگى ەڭ ءىرى 1000 قالانىڭ جاھاندىق يندەكسىن جاريالادى. بۇگىندە الەم حالقىنىڭ 30 پايىزى، سونداي- اق الەمدىك ەكونوميكانىڭ 60 پايىزعا جۋىعى ءىرى قالالارعا تيەسىلى.

جاھاندىق رەيتينگ بويىنشا، كوشباسىندا:

- نيۋ- يورك (ا ق ش)

- لوندون

- سان- حوسە (ا ق ش)

- توكيو

- پاريج

- سيەتل (ا ق ش)

- لوس- اندجەلەس (ا ق ش)

- سان- فرانسيسكو (ا ق ش)

- مەلبۋرن (اۆستراليا)

- سيۋريح (شۆەيتساريا) تۇر.

ساراپشىلار اتاپ وتكەندەي، جاھاندىق قالا يندەكسى وعان قازاقستاننىڭ 3 مەگاپوليسى: الماتى، استانا جانە شىمكەنت كىرەتىندىگىمەن ەرەكشەلەنەدى.

الماتى مەن استانا، وكسفورد ەكونوميكس ساراپشىلارىنىڭ باعالاۋى بويىنشا، ۇزدىك 300 قالانىڭ قاتارىنا ەنىپ، 305-ورىندا تۇرعان رەسەي استاناسى ماسكەۋدىڭ الدىنا شىقتى.

«مىسالى، الماتى ادام كاپيتالى بويىنشا 55- ورىندا بولسا، ماسكەۋ 115- ورىندا. سونىمەن قاتار، وكسفورد ەكونوميكس ماماندارىنىڭ باعالاۋىنشا، الماتى مەن استانا ءومىر ءسۇرۋ ساپاسى بويىنشا رەسەي استاناسىن باسىپ وزدى»، - دەپ اتاپ ءوتتى ەكونوميكالىق زەرتتەۋلەر ينستيتۋتى.

يندەكستەردى ەسەپتەۋدە بارلىعى 27 كورسەتكىش قولدانىلادى. مىسالى، اۋا تازالىعى، تەمپەراتۋرا، جاۋىن-شاشىن اۋىتقۋلارى، ەكولوگيا جاعدايى، تابيعي اپاتتار سىندى كريتەريلەرمەن انىقتالادى.

ادامي كاپيتال كەلەسى كورسەتكىشتەردەن قالىپتاسادى: ءبىلىم دەڭگەيى، حالىقتىڭ ءوسىمى، ۋنيۆەرسيتەتتەر، حالىقتىڭ جاس ەرەكشەلىكتەرى، كومپانيانىڭ شتاب- پاتەرى، شەتەلدە تۋعان حالىق.