الماتى مەكتەپتەرىندە مۇعالىمدەرگە كومەكشى رەتىندە جاساندى ينتەللەكت قولدانىلادى
الماتى. KAZINFORM - الماتىدا 2024-2025 وقۋ جىلىنىڭ قارساڭىندا «Digital Kazakhstan: جاڭا زامانداعى ءبىلىم بەرۋ» تاقىرىبىندا پەداگوگتەردىڭ قالالىق تامىز سامميتى ءوتتى.
پەداگوگتار سامميتىندە الماتى قالاسىنىڭ اكىمى ەربولات دوسايەۆ قالاداعى بارلىق مەكتەپ وقۋشىلارى قوسىلعان TopIQ.kz پلاتفورماسى ارقىلى «جەڭىل پورتفەل» جوباسى ءساتتى جۇزەگە اسقانىن مالىمدەدى.
ونىڭ ايتۋىنشا، تسيفرلىق وقۋلىقتاردى ەنگىزۋ جاڭارعان اقپاراتقا جىلدام قولجەتكىزۋگە جانە وقۋ ماتەريالدارىن ءتۇسىنۋدى جاقسارتاتىن ينتەراكتيۆتى ەلەمەنتتەردى قامتۋعا مۇمكىندىك بەردى.
- وقۋشىلاردىڭ دامۋىنا كومەكتەسۋ ءۇشىن جاڭا وقۋ جىلىندا جاساندى ينتەللەكت نەگىزىندە «ۆيرتۋالدى رەپەتيتور» ەنگىزۋ جوسپارلانىپ وتىر. پيلوتتىق جوبا ءساتتى بولسا، جاپپاي قولدانىسقا ەنگىزىلۋى مۇمكىن، - دەدى ەربولات دوسايەۆ.
ەسكە سالايىق، الماتى وبلىسىندا جاڭا وقۋ جىلىندا 350 مىڭنان استام بالا ءبىلىم الادى.
