الماتى ماڭىنداعى وزەن-كولدەردە سۋ دەڭگەيى كوتەرىلىپ، سەل ءجۇرۋى مۇمكىن

Село Саты ауылы Кольсай Көлсай
Фото: Александр Павский/ Kazinform

 الماتى. KAZINFORM - الماتىدا اۋا رايىنا بايلانىستى ەسكەرتۋ جاريالاندى.

«قازگيدرومەت» ر م ك جاريالاعان ەسكەرتۋگە سايكەس، الماتى قالاسىندا 5-7-شىلدە ارالىعىندا قاتتى جاۋىن-شاشىنعا بايلانىستى وزەن-كولدەردە سۋ دەڭگەيى كوتەرىلىپ، قاۋىپتى بەلگىلەردەن اسقان جاعدايدا تاۋ بوكتەرى مەن سوعان جاقىن اۋدانداردا سۋ تاسقىنى بولۋى مۇمكىن. وسىعان بايلانىستى توتەنشەلىكتەر تۇرعىنداردى ۇلكەن، كىشى الماتى، قارعالى، اقساي وزەندەرىنىڭ جاعالاۋلارىنا جاقىنداماۋدى سۇرايدى.

سينوپتيكتەردىڭ بولجاۋىنشا، سولتۇستىك باتىستان سوعاتىن جەلدىڭ ەكپىنى سەكۋندىنا 15-20 مەترگە دەيىن جەتەدى.

الداعى تاۋلىكتەردە قازاقستاننىڭ باسىم بولىگى سيكلوننىڭ ىقپالىندا بولادى. نايزاعاي جارقىلداپ، جاڭبىر جاۋىپ، داۋىلدى جەل سوعادى. ەلىمىزدىڭ باتىس جانە وڭتۇستىك وڭىرلەرى ءالى دە انتيتسيكلوننىڭ ىقپالىندا بولىپ، جاۋىن- شاشىنسىز اۋا رايى ساقتالادى.

سوڭعى جاڭالىقتار