15:46, 10 - ماۋسىم 2024 | GMT +5
الماتى ماڭىنداعى تويدا مىلتىق اتقاندار ىزدەستىرىلىپ جاتىر
الماتى. KAZINFORM - الەۋمەتتىك جەلىدە كولىكتە وتىرىپ اسپانعا وق اتقان ازاماتتاردىڭ بەينەجازباسى تارادى.
ولاردىڭ قاتارىندا تانىمال الماتىلىق بلوگەر زاير رزايەۆ تا بار. بەينەروليكتەن وقيعا ورنىنداعى ادامداردىڭ تويعا جينالعانىن بايقاۋعا بولادى.
اتالعان جاعدايعا بايلانىستى الماتى وبلىسىنىڭ پوليتسيا دەپارتامەنتى تۇسىنىكتەمە بەردى.
- الماتى وبلىسىنىڭ پوليتسياسى قۇقىق بۇزۋشىلاردىڭ جەكە باسىن انىقتاۋ بويىنشا قاجەتتى ءىس-شارالاردى جۇرگىزىپ جاتىر. ولار قولدانىستاعى زاڭناماعا سايكەس مىندەتتى تۇردە جاۋاپقا تارتىلادى، - دەپ حابارايدى دەپارتامەنت باسپا ءسوز قىزمەتى.
