الماتى ماڭىنداعى تاسجولدا كولىك جۇرگىزۋشىلەر توبەلەسىپ قالدى
قونايەۆ. KAZINFORM - الماتى - بىشكەك تاسجولى بويىندا توبەلەسكەن كولىك جۇرگىزۋشىلەردىڭ ۆيدەوسى الەۋمەتتىك جەلىگە شىقتى.
بەينەجازبادا ءبىر جۇرگىزۋشىنىڭ كولىك ىشىندەگى ەكىنشى جۇرگىزۋشىنى سوققىعا جىعىپ جىققانىن كورۋگە بولادى. سونداي-اق پوستتا وقيعا الماتى- بىشكەك تاس جولى بويىندا بولعانى جازىلعان.
الماتى وبلىسى پوليتسيا دەپارتامەنتىنىڭ باسپا ءسوز قىزمەتى كولىك ىشىندەگى جۇرگىزۋشىنى سوققىعا جىققان جىگىتتىڭ ۇستالعانىن حابارلادى. ول 36 جاستاعى الماتى وبلىسىنىڭ تۇرعىنى بولىپ شىقتى.
«قازىرگى ۋاقىتتا وقيعانىڭ بارلىق ءمان-جايىن، تولىقتىعىن، جان-جاقتىلىعى مەن وبەكتيۆتىلىگىن قامتاماسىز ەتۋ ءۇشىن ساراپتاما تاعايىنداۋ ارقىلى بارلىق قاجەتتى تەرگەۋ امالدارى جۇرگىزىلۋدە. ۇستالعان ازامات كىناسىن مويىنداپ، زاڭمەن بەلگىلەنگەن تارتىپتە ۋاقىتشا ۇستاۋ يزولياتورىنا قامالدى. ول جول بويىندا اپاتتى جاعداي جاساپ، كولىك قوزعالىسىنا قاساقانا كەدەرگى كەلتىرگەنى ءۇشىن جاۋاپقا تارتىلدى»، - دەپ حابارلادى پوليتسيادان.
اۆتور
دۋمان ارعىنگەلدى
