الماتى ماڭىنداعى اۋىلدا كوپقاباتتى ۇيدەن ءورت شىقتى

الماتى. KAZINFORM - الماتى وبلىسىنىڭ قۇتقارۋشىلارى كوپقاباتتى ۇيدەن شىققان ءورتتى ءسوندىردى.

الماتى قالاسىنىڭ جانىندا ورنالاسقان ىرگەلى اۋىلىنىڭ اۋماعىنا كىرەتىن «اسىل ارمان» تۇرعىن ءۇي كەشەنىنەن ءورت شىقتى. وقيعا ورنىنا كەلگەن ءورت سوندىرۋشىلەر 9 قاباتتى تۇرعىن ءۇيدىڭ 6-قاباتىندا بالكون جانعانىن انىقتاعان. ءورت 7 جانە 8-قاباتتاعى پاتەرلەر مەن بالكوندارعا اۋىسقان.

- ءۇيدىڭ تۇرعىندارى الدىن الا ەۆاكۋاتسيالاندى. ت ج م كۇشتەرىمەن 60 شارشى مەتر الاڭداعى ءورت ءسوندىرىلدى. زارداپ شەككەندەر جوق، - دەپ حابارلادى ت ج م باسپا ءسوز قىزمەتى.

اۆتور
دوسبول اتاجان