الماتى مارافونىنا بيىل 2 مىڭ شەتەلدىك قاتىسادى

الماتى. KAZINFORM - وڭىرلىك كوممۋنيكاتسيالار قىزمەتىنىڭ الاڭىندا 29-قىركۇيەك كۇنى الماتىدا مارافون وتەتىنى حابارلاندى. وعان ۇلى بريتانيا، ا ق ش، قىتاي، رەسەي، قىرعىزستان، وزبەكستان، ب ا ءا، يندونەزيا جانە فرانسيا سەكىلدى الەمنىڭ 50 دەن استام ەلىنەن سپورتشىلار قاتىسادى دەپ جوسپارلانعان.

بيىل مارافونعا 15 مىڭنان استام قاتىسۋشى جينالادى دەپ كۇتىلەدى. قاتىسۋشىلاردىڭ جولى رەسپۋبليكا الاڭىنان باستالىپ، ءال-فارابي داڭعىلىمەن جالعاسادى.

- مارافونعا قاتىساتىن ادامداردىڭ 2 مىڭعا جۋىعى شەتەلدىكتەر بولماق. ءىس-شارا AIMS حالىقارالىق ستارتتار مەن جۇگىرۋلەر قاۋىمداستىعىنا ەنگىزىلگەن، بۇل ۇيىمداستىرۋدىڭ جوعارى ساپاسىنا جانە حالىقارالىق ستاندارتتارعا سايكەستىگىنە كەپىلدىك بەرەدى. مارافون تراسسالارى World Athletics تالاپتارىنا سايكەس سەرتيفيكاتتالعان. قانشا جىل وتسە دە، الماتى مارافونى شەتەلدىك قاتىسۋشىلاردىڭ نازارىن اۋدارۋدى توقتاتقان ەمەس»، - دەدى «ءبىرىنشى بولۋ باتىلدىعى» كورپوراتيۆتىك قورىنىڭ اتقارۋشى ديرەكتورى سالتانات قازىبايەۆا.

بيىلعى مارافوننىڭ نەگىزگى قاشىقتىقتارى كەلەسىدەي:

- مارافون قاشىقتىعى - 42,2 كيلومەتر.

- جارتىلاي مارافون - 21 كيلومەتر.

- جۇگىرۋدىڭ قىسقا قاشىقتىعى - 10 كيلومەتر.

- سكانديناۆيالىق سەرۋەندەۋ - 10 كيلومەتر.

- ەكيدەن كوماندالىق ەستافەتاسى.

ەسكە سالايىق، بيىل مامىر ايىندا استانادا اۋتيزمگە شالدىققان بالالاردى قولداۋ قايىرىمدىلىق مارافونى وتكەن بولاتىن.

كەنيادا وليمپياداعا قاتىسقان مارافونشىنى بەنزين قۇيىپ، ورتەپ جىبەرگەنىن جازعانبىز.