الماتى از قاباتتى ۇيلەرگە قايتا ورالدى - اكىمدىك

الماتى. KAZINFORM - الماتىدا ەگجەي-تەگجەيلى جوسپارلاۋدىڭ جاڭا جوباسى اياسىندا قالادا شاعىن قاباتتى قۇرىلىسقا باسىمدىق بەرىلمەك.

«قۇرىلىس سالۋشى التى قاباتتى تۇرعىن ءۇيدى ەگجەي-تەگجەيلى جوسپارلاۋدىڭ جاڭا جوباسىنداعى شارتتاردى ەسكەرىپ، ەسكيزدى ماقۇلدانعاننان كەيىن عانا جۇزەگە اسىرادى. ەستەرىڭىزدە بولسا، بەس قاباتتى ۇيلەردىڭ نولدىك بۇرىشىندا توعىز قاباتتى عيماراتتار سالىنعان. جاڭا ە ت ج-دا مۇنىڭ جولىن كەستىك جانە بۇل ايماقتاردى دەمالىس ورىندارىنا اينالدىردىق. وسىلايشا، ءبىز قالانىڭ ءوز ەرەجەسى بار ەكەنىن تۇسىندىرەمىز»، - دەدى اسقار ءامرين.

ايتۋىنشا، جاڭا ە ت ج ساياباقتاردى، سكۆەرلەردى، بۋلۆارلاردى قوسقاندا، جالپى پايدالانىمداعى جاسىل جەلەكتەر الاڭىن 2030 -جىلعا دەيىن 3 ەسە ۇلعايتۋدى كوزدەيدى.

ايتا كەتەيىك، الماتى جوسپارىنىڭ ەگجەي-تەگجەيلى جاڭا جوبالارى بەكىتىلدى. جاڭا جوبا قالانىڭ 2040 -جىلعا دەيىنگى باس جوسپارىنا سايكەس ازىرلەندى.

 

اۆتور
الما مۇقانوۆا