الماتى اكىمى ورىس تەاترىن جاڭارتۋعا نەلىكتەن 24 ميلليارد تەڭگە بولىنگەنىن ايتتى
الماتى. KAZINFORM - الماتى اكىمى ەربولات دوسايەۆ اۋەزوۆ اۋدانىندا حالىقپەن كەزدەستى.
اكىم بايانداما بارىسىندا ن. ساس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترىن رەكونسترۋكسيالاۋ جۇمىستارى ناۋرىز ايىندا باستالعانىن ايتتى. جوبا قۇنى - 23,9 ميلليارد تەڭگە. جاڭارتۋ جۇمىستارىن 2026 -جىلدىڭ ماۋسىم ايىندا اياقتاۋ جوسپارلانعان.
سونداي-اق سۇراق- جاۋاپ سەسسياسى بارىسىندا ەربولات دوسايەۆ جوباعا نەلىكتەن قوماقتى قاراجات بولىنگەنىن ءتۇسىندىردى.
- قالا اكىمى رەتىندە جوبامەن جەكە ءوزىم اينالىستىم. وندا بارلىق نورما ساقتالعان. ال جوبا باعاسى مەملەكەتتىك ساراپتاما نەگىزىندە بەلگىلەندى. ءبىز بىردە-ءبىر جوبانى ءوز قالاۋىمىز بويىنشا ورىندامايمىز. قالاداعى باعالاردى جانە تەك رەكونسترۋكسيا ەمەس، جاڭا ساحنا سالىناتىنىن ەسكەرسەك، بۇل ويعا قونىمدى باعا. ەگەر كىم تەكسەرگىسى كەلسە، ىشكى مەملەكەتتىك اۋديت دەپارتامەنتى نە باسقا جاۋاپتى مەكەمەلەرگە جۇگىنە الاسىزدار، - دەدى ول.
ەسكە سالايىق، بۇعان دەيىن ن. ساس اتىنداعى تەاتر قالاي جاڭاراتىنىن جازعانبىز.
