الماتى اكىمى قىتاي ەكسيمبانكى ۆيتسە-پرەزيدەنتىمەن كەزدەستى
استانا. KAZINFORM -الماتى اكىمى ەربولات دوسايەۆ قىتايدىڭ ەكسپورتتىق-يمپورتتىق بانكىنىڭ (ەكسيمبانك) ۆيتسە-پرەزيدەنتى يان دۋننين باستاعان دەلەگاتسيامەن كەزدەسۋ وتكىزدى.
تاراپتار ينفراقۇرىلىمدىق جانە جاسىل جوبالاردى دامىتۋعا، قارجى نارىعىن كەڭەيتۋگە، ساۋدا-ەكونوميكالىق بايلانىستار مەن ءوزارا تۋريستىك ءىس-قيمىلدى تەرەڭدەتۋگە باعىتتالعان ءوزارا ءتيىمدى ىنتىماقتاستىقتىڭ پەرسپەكتيۆالارىن تالقىلادى.
قالالىق كولىك ينفراقۇرىلىمى (جاڭا مەترو جەلىلەرىن سالۋ) سالاسىنداعى نەگىزگى جوبالاردى قارجىلاندىرۋ، جاڭا يندۋستريالىق جوبالارعا كوشە وتىرىپ، ەكونوميكانى ءارتاراپتاندىرۋ، جاسىل جوبالاردى ىسكە اسىرۋ (ق ت ق وڭدەۋ زاۋىتىن سالۋ) جانە تۋريزمدى دامىتۋ ماسەلەلەرىنە ەرەكشە نازار اۋدارىلدى. كەزدەسۋ بارىسىندا 2024-جىل قىتايداعى قازاقستان تۋريزمى جىلى، كەلەسى 2025-جىل قازاقستانداعى قىتاي تۋريزمى جىلى بولىپ جاريالانعانى اتاپ ءوتىلدى. وسى جىلدىڭ ءبىرىنشى جارتىجىلدىعىندا الماتىعا قىتايدان 40 مىڭنان استام تۋريست كەلدى، بۇل وتكەن جىلدىڭ سايكەس كەزەڭىمەن سالىستىرعاندا %68 عا كوپ.
سونىمەن قاتار، شەتەلدىك ينۆەستيتسيالاردى تارتۋداعى قالانىڭ ءرولى تالقىلاندى. ءبىرىنشى جارتىجىلدىقتا الماتىدا تىكەلەي شەتەلدىك ينۆەستيتسيالاردان 3,8 ميلليارد ا ق ش دوللارى تارتىلدى. الماتىنىڭ قىتايمەن تاۋار اينالىمى 9 ايدا 2024-جىلى - 5,6 ميلليارد ا ق ش دوللارى (نەمەسە ق ح ر- مەن ق ر تاۋار اينالىمىنىڭ %28,9).
يان دۋننين حانىم قالا اكىمىنە جىلى قابىلداعانى ءۇشىن العىسىن ءبىلدىرىپ، ەكسيمبانكتىڭ مەگاپوليستى تۇراقتى دامىتۋعا باعىتتالعان بىرلەسكەن باستامالاردى قولداۋعا دايىن ەكەندىكتەرىن اتاپ ءوتتى.
سوڭىندا تاراپتار يندۋستريالاندىرۋدى، كولىك ينفراقۇرىلىمىن، قارجى نارىعىن جانە الماتىنىڭ تۋريستىك الەۋەتىن دامىتۋدى قوسا العاندا، بىرلەسكەن باستامالار شەڭبەرىندە جەمىستى ىنتىماقتاستىقتى جالعاستىرۋ نيەتىن راستادى.
