الماتى اكىمى بىرنەشە ەلدىڭ كونسۋلىمەن ينۆەستيتسيا تارتۋ ماسەلەسىن تالقىلادى
الماتى. KAZINFORM - الماتى اكىمى ەربولات دوسايەۆ قازاقستانداعى شەتەل مەملەكەتتەرىنىڭ باس جانە قۇرمەتتى كونسۋلدارىمەن بيزنەس- جوبالارعا ينۆەستيتسيالار تارتۋ ماسەلەلەرىن تالقىلاندى.
قالا باسشىسى الماتى - قازاقستاننىڭ مادەني، عىلىمي، ىسكەرلىك جانە قارجى ورتالىعى، ونىڭ ۇلەسىنە ەكونوميكانىڭ بەستەن ءبىر بولىگى جانە ق ر بيۋدجەتىنىڭ بارلىق كىرىستەرىنىڭ تورتتەن بىرىنەن استامى تيەسىلى ەكەنىن اتاپ ءوتتى، سونداي- اق كەزدەسۋگە قاتىسۋشىلاردى ىسكەرلىك ارىپتەستىكتى كەڭەيتۋ ماسەلەلەرىندە جان- جاقتى ءوزارا ءىس- قيمىلعا شاقىردى.
قالا «الماتىنىڭ 2025 -جىلعا دەيىنگى دامۋ باعدارلاماسى جانە 2030 -جىلعا دەيىنگى ورتا مەرزىمدى پەرسپەكتيۆالار» اياسىندا اۋقىمدى، ينفراقۇرىلىمدىق جانە ەكولوگيالىق جوبالاردى ىسكە اسىرۋدا ينۆەستورلارمەن ىنتىماقتاستىق ءۇشىن اشىق.
ەربولات دوسايەۆ قوناقتارعا جۇردەك قوعامدىق كولىك جۇيەسىن قۇرۋ جانە ءىرى يننوۆاتسيالىق وندىرىستەر دامىعان الماتىداعى يندۋستريالدى ايماقتىڭ اۋماعىن %40 عا كەڭەيتۋ جوسپارلارى تۋرالى ايتىپ بەردى.
«تۇراقتى ەكونوميكالىق ءوسۋدى قامتاماسىز ەتۋ ءۇشىن ەكونوميكانىڭ باسىم سالالارىندا (وڭدەۋ ونەركاسىبى، تۋريزم، IT جانە كرەاتيۆتى يندۋستريالار) ەڭبەك ونىمدىلىگى جوعارى جۇمىس ورىندارىن قۇرۋعا باسا نازار اۋدارىلاتىن بولادى. «سمارت ءسيتيدى» قۇرۋ كونتەكسىندە اۋا ساپاسىن جاقسارتۋ جانە قالاداعى لاستانۋ دەڭگەيىن تومەندەتۋ جونىندەگى «جاسىل» جوبالار مەن باستامالاردى، سيفرلىق جوبالاردى ىسكە اسىرۋعا، سونداي- اق دەنساۋلىق ساقتاۋ جانە ءبىلىم بەرۋ وبەكتىلەرىن سالۋ مەن زاماناۋي جابدىقتارمەن جاراقتاندىرۋعا ەرەكشە نازار اۋدارىلاتىن بولادى»، - دەدى شاھار باسشىسى.
ينۆەستورلاردى قولداۋ ءۇشىن وسى جىلدىڭ ماۋسىم ايىندا «Almaty Business Development Center» قالالىق فرونت- ءوفيسى اشىلادى، وندا كونسۋلتاتسيالىق قىزمەتتەر «ءبىر تەرەزە» قاعيداتى بويىنشا ۇسىنىلادى. بۇدان باسقا، الماتىدا تۇراقتى دامۋ ستاندارتتارىنا ساي كەلەتىن ينفراقۇرىلىمدىق جانە ەكولوگيالىق جوبالاردى قارجىلاندىرۋ ءۇشىن جاسىل وبليگاتسيالار شىعارۋدىڭ ەرەكشە مۇمكىندىگى بار.
كەزدەسۋدە قازاقستان رەسپۋبليكاسى سىرتقى ىستەر مينيسترلىگىنىڭ الماتى قالاسىنداعى وكىلدىگى باسشىسىنىڭ مىندەتىن ۋاقىتشا اتقارۋشى يسلامبەك رايموۆ، ق ح ر، يران، تۇركيا، فرانتسيانىڭ باس كونسۋلدارى، «قۇرمەتتى كونسۋلدار قوعامى» رەسپۋبليكالىق قوعامدىق بىرلەستىگىنىڭ باسقارما ءتوراعاسى دەنيس ۆان دەن ۆەيح، سونداي- اق نيدەرلاندى، سلوۆەنيا، چەحيا، شۆەتسيانىڭ قۇرمەتتى كونسۋلدارى قۇتتىقتاۋ ءسوز سويلەدى.
كەڭەسكە قاتىسۋشىلار الماتىنىڭ سوڭعى جىلدارداعى ەكونوميكالىق دامۋ قارقىنىنىڭ سەرپىندىلىگىن جانە ساۋدا- ەكونوميكالىق، مادەني- گۋمانيتارلىق بايلانىستاردى كەڭەيتۋدەگى جوعارى الەۋەتىن اتاپ ءوتتى. كەزدەسۋ قورىتىندىسى بويىنشا تاراپتار ودان ءارى ءوزارا ءىس- قيمىل جاساۋعا جانە دوستىق قارىم-قاتىناستاردى دامىتۋعا دايىن ەكەندىكتەرىن ءبىلدىردى.
