الماتى اۋەجايىنىڭ جاڭا تەرمينالى سۋ استىندا قالدى
الماتى. KAZINFORM - الماتىدا تولاسسىز جاۋعان جاڭبىر سالدارىنان جاڭا اۋەجاي تەرمينالىن سۋ باستى.
«بيىكتىكتىڭ ايىرماشىلىعىنا بايلانىستى ەسكى جانە جاڭا تەرمينال اراسىندا جاڭبىر سۋى جينالىپ قالدى. سالدارىنان حالىقارالىق رەيستەردىڭ كەلۋ زالىن سۋ باستى. بۇل ماسەلەنى شەشۋ ءۇشىن اۋەجايدىڭ بارلىق قاجەتتى قىزمەتى جۇمىلدىرىلدى. قازىرگى ۋاقىتتا تەحنيكالىق ماماندار نوسەر اعىندارىن تازارتۋ جۇمىستارىن جۇرگىزۋدە»، - دەپ حابارلادى الماتى حالىقارالىق اۋەجاي باسپا ءسوز قىزمەتى.
اۋەجاي وكىلدەرى حالىقارالىق رەيستەردىڭ ۇشىپ شىعۋ ايماعىندا رەيستەرگە ادەتتەگىدەي قىزمەت كورسەتىلەتىنىن ءمالىم ەتتى. سونداي-اق ۇشىپ كەلەتىن رەيستەرگە ۋاقتىلى قىزمەت كورسەتۋ ءۇشىن بارلىق قاجەتتى شارا قابىلدانۋدا.
«سۋدان كەلگەن بارلىق زارداپ جاقىن ارادا جويىلادى. جولاۋشىلار مەن قىزمەتكەرلەردىڭ قاۋىپسىزدىگى - ءبىزدىڭ باستى مىندەتىمىز. قولايسىزدىقتار ءۇشىن كەشىرىم سۇرايمىز»، - دەلىنگەن حابارلامادا.
اۆتور
الما مۇقانوۆا
