الماتى اۋەجايىنىڭ باسشىسى الپ ەر تۋنگا ەرسوي قىزمەتىنەن كەتتى

الماتى. KAZINFORM - «الماتى حالىقارالىق اۋەجايى» ا ق پرەزيدەنتى الپ ەر تۋنگا ەرسوي ورنىن بوساتتى.

«جوسپارلانعانداي، الپ ەر تۋنگا ەرسوي الماتى حالىقارالىق اۋەجايدىڭ جاڭا حالىقارالىق تەرمينالىنىڭ قۇرىلىسى اياقتالعان سوڭ قىزمەتىنەن كەتتى. ول سالاداعى مانسابىن جاڭا قىزمەتتە جالعاستىرادى»، - دەپ حابارلادى اۋەجايدىڭ باسپا ءسوز قىزمەتى.

باسشىلىقتىڭ اۋىسۋى تۋرالى رەسمي مالىمدەمە 5-ماۋسىمدا جاريالانادى.

ايتا كەتەيىك، ءبىرىنشى ماۋسىم كۇنى الماتى اۋەجايىنىڭ جاڭا تەرمينالى العاشقى رەيستەردى قابىلداعان بولاتىن.

پرەزيدەنت قاسىم-جومارت توقايەۆتىڭ الماتىعا جۇمىس ساپارى بارىسىندا قالا اۋەجايىنىڭ جاڭا حالىقارالىق تەرمينالىن ارالاپ كورگەن ەدى.

عيماراتتىڭ جالپى اۋدانى - 53,5 مىڭ شارشى مەتر، جىلىنا 14 ميلليون جولاۋشىعا قىزمەت كورسەتە الادى.

ەسكە سالايىق، 2020 -جىلى الماتى اۋەجايى تۇرىك كومپانياسىن 415 ميلليون دوللارعا ساتىلعان ەدى.

اۆتور
الما مۇقانوۆا