الماتى اۋەجايىنداعى وقيعا: سوت بىرنەشە كۇنگە شەگەرىلدى

الماتى. KAZINFORM - الماتىدا اۋەجاي قىزمەتكەرىن كەپىلگە العان ەر ادامعا قاتىستى سوت وتىرىسى ءوتتى.

سوت قىسقارتىلعان تارتىپپەن ءوتىپ جاتىر. ايىپتالۋشى ءىس بويىنشا جينالعان دەرەكتەردى جوققا شىعارمادى جانە پروكۋروردىڭ ايىپتاۋ اكتىلەرىمەن كەلىستى. الايدا جاۋاپ الۋ كەزىندە ايىپتالۋشى ماشراپبەك باراتوۆ اۋەجايدا ەشكىمدى كەپىلگە الۋعا نيەتى بولماعانىن جانە ەشقانداي تالاپ قويماعانىن مالىمدەدى.

- ەشكىمدى كەپىلگە الۋ تۋرالى ويىم بولعان جوق، اۋەجايعا كىرگىم دە كەلمەگەن. اۋەجاي الدىندا دۇكەن بولدى، سوعان كىرىپ، بىرنارسە العىم كەلدى. كەيىن اۋەجايدىڭ ءىشىن ارالاپ قايتايىن دەدىم، - دەدى ول.

سۋديا 9-ءساۋىر 10:30 عا دەيىن سوت وتىرىسىندا ءۇزىلىس جاريالادى.

بۇعان دەيىن سوتتا اۋەجايداعى وقيعاعا قاتىستى تىڭ دەرەكتەر ايتىلعانىن جازعانبىز. كۇدىكتىگە قاتىستى قىلمىستىق كودەكستىڭ ءۇش بابى بويىنشا ايىپ تاعىلىپ وتىر: كەپىلگە الۋ، قارۋ قولدانۋ ارقىلى جاسالعان بۇزاقىلىق، تەرروريزم اكتىسى تۋرالى كورىنەۋ جالعان حابارلاۋ.

ەسكە سالايىق، 7-ناۋرىز كۇنى الماتى اۋەجايىندا ەر ادام قىزدى كەپىلگە الىپ، كوپشىلىك الدىندا پىشاق كەزەنگەنىن جازعانبىز.

مۇسا ءابدىرايىم كۇدىكتىگە ءوزىن كەپىلگە ۇسىنىپ، قىزمەتكەردىڭ ورنىنا تۇرعان. ەر ادام ءتارتىپ ساقشىلارىمەن كەلىسسوزگە الاڭداعان تۇستا ول كۇدىكتىنىڭ قولىنداعى پىشاقتى جۇلىپ الدى.