الماتى اۋەجايىنداعى كۇدىكتى بۇعان دەيىن اۆتوبۋستا قىزدى ۇرعان
الماتى. KAZINFORM - الماتى اۋەجايىندا قىزدى كەپىلگە العان كۇدىكتى بۇعان دەيىن دە جاۋاپكەرشىلىككە تارتىلعان.
الماتى پوليتسياسى بۇگىن اۋەجايدا ۇستالعان كۇدىكتى بۇعان دەيىن اۆتوبۋستاعى قىزدى ۇرعان ادام ەكەنىن راستادى. بىلتىر بولعان وقيعادان سوڭ كۇدىكتىگە ءبىر جىلعا باس بوستاندىعىن شەكتەۋ جازاسى تاعايىندالعان.
- قوعامدىق كولىكتەگى وقيعادان كەيىن المالى اۋداندىق پوليتسيا ءبولىمى قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ اياقتالعاننان كەيىن قىلمىستىق ءىس ماتەريالدارى سوتقا جولداندى. وتكەن جىلدىڭ جەلتوقسان ايىندا سوت ەر ادامدى ءبىر جىلعا باس بوستاندىعىن شەكتەۋ جازاسىنا كەسكەن، - دەپ حابارلادى دەپارتامەنتتەن.
ەسكە سالايىق، بىلتىر قاراشا ايىندا قوعامدىق كولىكتە ايەلدى ۇرعان 66 جاستاعى جەرگىلىكتى تۇرعىن ۇستالعانىن جازعان ەدىك.
بۇگىن كۇدىكتى الماتى اۋەجايىندا قىزدى كەپىلگە الىپ، كوپشىلىك الدىندا پىشاق كەزەندى.
