الماتى اۋەجايىنداعى جاعداي: پوليتسيا قىزمەتتىك تەكسەرۋدى باستادى

الماتى. KAZINFORM - كولىكتەگى پوليتسيا دەپارتامەنتى الماتى اۋەجايىندا قىزدى كەپىلگە العان ەر ادامدى ۇستاۋعا قاتىسقان قىزمەتكەرلەر بويىنشا تۇسىنىك بەردى.

- پوليتسيا قىزمەتكەرلەرى الماتى اۋەجايىنىڭ وكىلدەرىمەن بىرگە وقيعا ورنىنداعى جاعدايدى جەدەل شەشتى. شابۋىل جاساعان ەر ادام قىزمەتكەرگە اگرەسسيا كورسەتكەنىن ەسكەرە وتىرىپ، ولار اۋەجاي تەرمينالىندا ازاماتتاردىڭ قاۋىپسىزدىگىن قامتاماسىز ەتۋ ءۇشىن ارنايى الگوريتمگە سايكەس ارەكەت ەتتى، - دەپ حابارلادى كولىكتەگى ءى ءى د باسپا ءسوز قىزمەتى.

دەسە دە، كولىكتەگى پوليتسيا دەپارتامەنتى اتالعان دەرەك بويىنشا قىزمەتتىك تەكسەرىس جۇرگىزىپ جاتىر. ونىڭ ناتيجەلەرىنە سايكەس، قۇقىقتىق باعا بەرىلەتىن بولادى.

ەسكە سالايىق، 7-ناۋرىز كۇنى الماتى اۋەجايىندا ەر ادام قىزدى كەپىلگە الىپ، كوپشىلىك الدىندا پىشاق كەزەنگەنىن جازعانبىز.

مۇسا ءابدىرايىم كۇدىكتىگە ءوزىن كەپىلگە ۇسىنىپ، قىزمەتكەردىڭ ورنىنا تۇرعان. ەر ادام ءتارتىپ ساقشىلارىمەن كەلىسسوزگە الاڭداعان تۇستا ول كۇدىكتىنىڭ قولىنداعى پىشاقتى جۇلىپ الدى.

مەملەكەت باسشىسىنىڭ جارلىعىمەن قيىن- قىستاۋ جاعدايدا كورسەتكەن ەرلىگى مەن جانقيارلىعى ءۇشىن مۇسا سايرانباي ۇلى ءابدىرايىم «ەرلىگى ءۇشىن» مەدالىمەن ناگرادتالدى.

كەيىن ول بۇكىل الەمدىك بوكس كەڭەسىنىڭ بەيبىتشىلىك ەلشىسى بولدى.

مەملەكەت باسشىسىنىڭ تاپسىرماسىمەن الماتى اكىمى اۋەجاي قىزمەتكەرىن قۇتقارعان ازاماتتى ماراپاتتادى.