الماتى اۋەجايىندا تۇكىرگەن قىتاي ازاماتىنا ايىپپۇل سالىنىپ، رەيستەن ءتۇسىرىلدى

الماتى. KAZINFORM - الماتى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى الماتى- شىمكەنت رەيسىمەن ۇشپاقشى بولعان جولاۋشىنى ۇستادى.

әуежай
Фото: Александр Павский / Kazinform

كولىكتەگى پوليتسيا دەپارتامەنتىنىڭ مالىمەتىنشە، ءتارتىپ ساقشىلارى تەكسەرۋ بارىسىندا جولاۋشى 34 جاستاعى قىتاي ازاماتى ەكەنىن انىقتاعان.

- ول رەيسكە وتىرعىزۋ كەزىندە كۇتۋ زالىندا، ياعني قوعامدىق جەردە تۇكىرىپ، اينالاسىنداعى ازاماتتارعا قۇرمەتسىزدىك تانىتىپ، جالپى قوعامدىق ورىندى لاستاعان. قۇقىقبۇزۋشى 5 ا ە ك (19660 تەڭگە) كولەمىندە ايىپپۇل ارقالاپ، رەيستەن ءتۇسىرىلدى، - دەپ حابارلادى دەپارتامەنتتەن.

ەسكە سالايىق، بۇعان دەيىن زايسان، كاتونقاراعاي جانە كەندىرلى كۋرورتتىق ايماقتارىندا اۋەجاي قۇرىلىسى باستالعانىن جازعانبىز.

سوڭعى جاڭالىقتار