الماتى اۋەجايىندا ەسىرتكى تۇتىنعان ۇشقىشقا قاتىستى قىلمىستىق ءىس قوزعالدى

Алматы әуежайы
Фото: Almaty international airport

استانا. KAZINFORM - الماتى اۋەجايىندا ەسىرتكى تۇتىنعان Air Astana اۋە كومپانياسىنىڭ ۇشقىشىنا قاتىستى قىلمىستىق ءىس قوزعالدى.

بۇل تۋرالى ىشكى ىستەر ءمينيسترىنىڭ ورىنباسارى ايدوس رىسبايەۆ ايتتى.

ءماجىلىستىڭ جالپى وتىرىسىندا دەپۋتات جۇلدىز سۇلەيمەنوۆا ءى ءى م وكىلىنە «وسىدان 1 اپتا بۇرىن ءىرى اۋە كومپانيانىڭ ۇشقىشى ۇستالدى. ول ەسىرتكى تۇتىنعان. جالپى اۋە، تەمىرجول، قوعامدىق كولىك تاسىمالى سالاسىندا قانشا ادام ەسىرتكىگە تاۋەلدى؟ ءتىزىم بار ما؟» دەگەن سۇراق قويدى.

ايدوس رىسبايەۆ ءىس تەرگەلىپ جاتقانىن مالىمدەدى.

«ەسىرتكى تۇتىنىپ ۇستالعان ۇشقىشقا قاتىستى قىلمىستىق ءىس قوزعالدى. تەرگەۋ امالدارى اياقتالعاننان كەيىن قوسىمشا اقپارات بەرەمىز. جالپى ۇشقىشتار، جۇرگىزۋشىلەر رەيسكە شىعار الدىندا مەديتسينالىق تەكسەرىستەن وتەدى»، - دەدى ءمينيستردىڭ ورىنباسارى.

ەسكە سالايىق، بۇعان دەيىن الماتى اۋەجايىندا Air Astana ۇشقىشى ەسىرتكىگە ماس كۇيدە ۇستالعانى حابارلاندى.

Air Astana اۋەكومپانياسىنىڭ باسپا ءسوز قىزمەتى اقپاراتتى راستادى. 23-ساۋىردە الماتى اۋەجايىندا جولاۋشى رەتىندە ۇشاققا مىنگەن ۇشقىش ەسىرتكىگە ماس كۇيدە ۇستالعانى حابارلاندى. پوليتسەيلەر سوتالدى تەرگەۋ امالدارىن جۇرگىزىپ جاتىر، ال قىزمەتكەردىڭ ءوزى جۇمىستان شەتتەتىلگەن.

سوڭعى جاڭالىقتار