13:07, 07 - ناۋرىز 2025 | GMT +5
الماتى اۋەجايىندا ەر ادام قىزمەتكەردى كەپىلگە الدى
الماتى. KAZINFORM - الەۋمەتتىك جەلىدە الماتى اۋەجايىندا بولعان وقىس وقيعانىڭ بەينەجازباسى تارادى.
الماتى حالىقارالىق اۋەجايىنىڭ مالىمەتىنشە، وقيعا بۇگىن 11:45 تە بولعان. ىشكى رەيستەر تەرمينالىندا ەر ادام جولاۋشى رەتىندە ۇشۋ الدىنداعى تەكسەرۋ ايماعىنا بارعان. اۆياتسيالىق قاۋىپسىزدىك قىزمەتكەرلەرى ەر ادامنان قۇجاتتاردى كورسەتۋدى سۇراعان، ال ول اۋەجاي قىزمەتكەرىن شاشىنان ۇستاپ، پىشاقپەن قورقىتقان.
- 7 مينۋتتان كەيىن ەر ادامدى اۋەجاي اۋماعىنداعى پوليتسيانىڭ جەلىلىك ءبولىمىنىڭ قىزمەتكەرلەرى ۇستادى. قازىرگى ۋاقىتتا ەر ادام پوليسيانىڭ جەلىلىك بولىمىندە جانە بۇل وقيعامەن قۇقىق قورعاۋ ورگاندارىنىڭ قىزمەتكەرلەرى اينالىسىپ جاتىر، - دەپ حابارلادى اۋەجايدان.
