10:25, 10 - قاڭتار 2025 | GMT +5
الماتى اۋەجايىندا جوعالعان زاتتار اۋكسيوندا ساتىلاتىنى راس پا
الماتى. KAZINFORM - اۋەجايدا جوعالعان جۇكتەردىڭ ساتىلىمعا شىعاتىنى تۋرالى اقپارات جالعان. بۇل تۋرالى الماتى اۋەجايى حابارلادى.
الماتى حالىقارالىق اۋەجايى جوعالعان جۇكتەردىڭ اۋكسيوندا ساتىلىپ جاتقانى تۋرالى الەۋمەتتىك جەلىدەگى مالىمەتكە سەنبەۋگە شاقىردى.
- اۋەجاي ەشقانداي اۋكسيون وتكىزىپ جاتقان جوق. ەگەر ءسىز جوعالعان جۇكتەر ساتىلىمى جونىندە جارناما كورگەن بولساڭىز، سىلتەمەسىن بىزگە جىبەرىپ، ول پاراقشاعا شاعىمدانۋلارىڭىزدى سۇرايمىز. مۇقيات بولىپ، الاياقتاردان ساق بولىڭىز، - دەپ حابارلادى اۋە ايلاعىنىڭ باسپا ءسوز قىزمەتى.
اۆتور
دوسبول اتاجان
