الماتى اۋەجايىندا اۋا رايىنا بايلانىستى رەيستەر كەشىگىپ جاتىر
الماتى. KAZINFORM - الماتى حالىقارالىق اۋەجايى كۇن رايىنىڭ ناشارلاۋىنا بايلانىستى اۋەجايدىڭ وندىرىستىك قىزمەتتەرى كۇشەيتىلگەن رەجيمدە جۇمىس ىستەپ جاتقانىن حابارلادى.
اۋەجايدىڭ باسپا ءسوز قىزمەتى جولاۋشىلاردان رەيستەردىڭ جاڭارعان ستاتۋسىن ۇشار الدىندا اۋەجاي مەن اۋە كومپانيالارىنىڭ رەسمي سايتتارىنان تەكسەرۋ كەرەكتىگىن ەسكەرتتى.
- بارلىق قىزمەتتەر رەيستەردىڭ كەشىگۋىن ازايتۋ جانە وپەراتسيالاردىڭ قالىپتى ءتارتىبىن قالپىنا كەلتىرۋ ءۇشىن قاجەتتى شارالاردى قولدانا وتىرىپ، كۇشەيتىلگەن رەجيمدە جۇمىس ىستەپ جاتىر، - دەپ حابارلادى اۋەجايدان.
قازىرگى ۋاقىتتا ۇشۋ ۋاقىتى كەشىگىپ جاتقان رەيستەر قاتارىندا تاشكەنت، قوستاناي، استانا باعىتتارى بار.
ەسكە سالايىق، بۇعان دەيىن الماتى اۋەجايىندا تۇكىرگەن شەتەلدىككە ايىپپۇل سالىنىپ، رەيستەن تۇسىرىلگەنىن جازعانبىز.
