الماتى اۋەجايىندا 5 رەيس توقتاتىلىپ، 60 ىنىڭ ۋاقىتى شەگەرىلدى

استانا. KAZINFORM - الماتى اۋەجايىندا 16- اقپاندا اۋا رايىنىڭ قولايسىزدىعىنا بايلانىستى 5 رەيس توقتاتىلىپ، 60 رەيس كەشىكتىرىلدى. قازىرگى ساتتە 750 دەي جولاۋشى اۋەجاي تەرمينالىندا ۇشاقتارىن كۇتىپ وتىر، دەپ حابارلايدى ازاماتتىق اۆياتسيا كوميتەتىنىڭ باسپا ءسوز قىزمەتى.

«الماتى اۋەجايى ماڭىندا كۇن رايى بىلاي بولىپ تۇر: جەل 4 م/سەك جىلدامدىقپەن سوعىپ تۇر. تۇمان بار، اۋا تەمپەراتۋراسى 17-گرادۋس. قازىرگى ساتتە اۋا رايىنا بايلانىستى (قالىڭ قار جاۋۋى جانە تۇمان باسۋى) ۇشۋ-قونۋ جولاعىن تازالاۋ جۇمىسى جۇرگىزىلۋدە» دەلىنگەن حابارلامادا.

17- اقپاندا كۇن رايى وزگەرۋى ىقتيمال: جەلدىڭ ەكپىنى 3 م/س، جولدىڭ كورىنۋى 3100 م، قار جاۋۋى توقتايدى دەپ بولجانىپ وتىر، ال اۋا تەمپەراتۋراسى 15-گرادۋس بولادى.