الەم چەمپيونى نۇرقوجا قايپانوۆ: الداعى ماقسات - وليمپيادا بيىگىن باعىندىرۋ

استانا. KAZINFORM - كەشە قازاقستاندىق بالۋان نۇرقوجا قايپانوۆ البانيا استاناسى تيرانادا 70 كەلىگە دەيىنگى سالماقتا الەم چەمپيونى اتانعان بولاتىن. Kazinform ءتىلشىسى سپورتشىدان الداعى ارمان-ماقساتى جونىندە سۇراپ كوردى.

- الداعى ماقساتىم - الەم جانە وليمپيادا چەمپيونى اتانۋ. مۇنىڭ، ارينە، وڭايعا تۇسپەيتىنىن بىلەمىن.

- وليمپياداعا قاتىسۋ ءۇشىن تاعى دا سالماق اۋىستىرىپ، باق سىنايسىڭ با؟

- ونى باپكەرلەرىممەن اقىلداسىپ كورەمىن. ازىرگە ويعا كەلگەنى وسى عانا. جولدا كەتىپ بارا جاتىر ەدىك. ەلگە ورالعاننان كەيىن ءبىر توقتامعا كەلەرمىز.

- چەمپيوندىق اتاعىڭ قۇتتى بولسىن! الداعى جارىستاردا ساتتىلىك تىلەيمىز.

ەسكە سالا كەتەيىك، بۇدان بۇرىن نۇرقوجا قايپانوۆتىڭ ەركىن كۇرەستەن الەم چەمپيونى اتانعانىن جازعان بولاتىنبىز. بۇعان دەيىن 2019-جىلى استانادا وتكەن الەم بىرىنشىلىگىندە كۇمىس العان 70 كەلىگە دەيىنگى سالماقتاعى قازاقستاندىق بالۋان فينالدا جاپونيالىق يوشينوسۋكە اوياگيمەن سىنعا ءتۇسىپ، 5:3 ەسەبىمەن جەڭىسكە جەتتى. وسىلايشا، ن. قايپانوۆ ريزابەك ايتمۇقاننىڭ وتكەن جىلعى جەتىستىگىن قايتالادى.