الەمگە ايگىلى ءانشى نيكول شەرزينگەر الماتىنىڭ تابيعاتىنا تامساندى

استانا. KAZINFORM - امەريكالىق تانىمال ءانشى نيكول شەرزينگەر الماتى قالاسىندا كونسەرت بەردى. 2000 -جىلدارى «Pussycat Dolls» توبىنىڭ اندەرى الەمدىك مۋزىكالىق چارتتاردا حيت بولدى. نيكول شەرزينگەر سول توپتىڭ ۆوكاليسى.

كۇنى كەشە نيكول الماتىعا كەلىپ كونسەرت بەردى. قازىر الەۋمەتتىك جەلى قولدانۋشىلارى كونسەرتتەن العان اسەرىمەن جارىسا ءبولىسىپ جاتىر.

امەريكالىق جۇلدىز ەلىمىزگە كەلە سالا، العاش اسەرىمەن ءبولىسىپ ۇلگەردى.

«مەن جاڭا عانا كەلدىم، ال تابىڭدار، مەن قايدامىن؟ مىنا كەرەمەتتى قاراڭدارشى! عاجاپ قوي! تاڭ اتىپ، كۇن شىعىپ كەلەدى. مەن قازاقستاندامىن. قوبالجىپ تۇرمىن. بۇل جەر رۋحىڭدى جانداندىرادى، مەنىڭ كەتكىم كەلمەيدى»، - دەپ ءبولىستى نيكول شەرزينگەر Instagram پاراقشاسىندا.

ەسكە سالساق، جاقىندا قازاقتاردىڭ امەريكالىق تانىمال رەپەر Snoop Dogg-قا شاپان جاپقانى تۋرالى حابارلاعان ەدىك.

ايتا كەتەيىك، رەپەر Snoop Dogg پەن «Pussycat Dolls» توبىنىڭ «Buttons» اتتى ءانى 2009-2010 -جىلدارى حيت بولعان ەدى.

اۆتور
داۋلەت ىزتىلەۋ