الداعى كۇندەرى اۋا رايى قانداي بولادى؟

استانا. KAZINFORM - قازگيدرومەت 4، 5، 6-ناۋرىزعا ارنالعان اۋا رايى بولجامىن جاريالادى.

الداعى كۇندەرى اۋا رايىنا بارەنتس تەڭىزى اۋماعىنان ىعىسىپ كەلگەن تسيكلون اسەر ەتەدى، سوندىقتان ەلدىڭ كوپ بولىگىندە جاڭبىر مەن قار جاۋادى.

قازاقستان بويىنشا تۇمان ءتۇسىپ، كوكتايعاق بولىپ، بوران سوعىپ، جەل تۇرادى.

«تۇندە اۋا تەمپەراتۋراسى ەلدىڭ باتىسىندا، سولتۇستىك-باتىسىندا 0-8 گرادۋس ايازعا دەيىن، سولتۇستىگىندە، ورتالىعىندا 5-15 گرادۋس ايازعا دەيىن، شىعىسىندا 7-18 گرادۋس ايازعا دەيىن، وڭتۇستىگىندە، وڭتۇستىك-شىعىسىندا 8 گرادۋس ايازعا دەيىن - 2 گرادۋس جىلى بولادى»، - دەپ جازىلعان اقپاراتتا.