الداعى كۇندەرى اۋا رايى قانداي بولادى؟

استانا. KAZINFORM - «قازگيدرومەت» سينوپتيكتەرى 8، 9، 10-قازانعا ارنالعان اۋا رايى بولجامىن جاريالادى.

اپتانىڭ باسىندا انتيتسيكلون قازاقستاننىڭ باسىم بولىگىنە اسەر ەتەدى، نەگىزىنەن جاۋىن-شاشىن جاۋمايدى. كەيىن ەلدىڭ باتىس جانە سولتۇستىك-باتىس ايماقتارىنا ماسكەۋ اۋماعىنان تسيكلون اسەر ەتەدى، سونىڭ سالدارىنان نايزاعاي ويناپ، جاڭبىر جاۋادى.

9-10-قازاندا باتىستا قاتتى جاڭبىر جاۋادى. رەسپۋبليكا بويىنشا جەل كۇشەيىپ، سولتۇستىك وڭىرلەردە تۇنگى جانە تاڭەرتەڭگى ۋاقىتتاردا تۇمان تۇسەدى.

«رەسپۋبليكانىڭ باتىسىندا اۋا تەمپەراتۋراسى كۇندىز 12-18 گرادۋسقا دەيىن، سولتۇستىك- باتىستا جانە سولتۇستىكتە 7-17 گرادۋسقا دەيىن تومەندەيدى دەپ بولجانادى، ال قالعان اۋماقتا كۇرت وزگەرىستەر كۇتىلمەيدى»، - دەپ جازىلعان حابارلامادا.